शिक्षणाशी संबंध नसलेल्या लोकांचा आंदोलनात सहभाग - बच्चू कडू | Bacchu Kadu Reaction on Hindustani Bhau | Sakal
sakal

बोलून बातमी शोधा

Bacchu Kadu Reaction on Hindustani Bhau
शिक्षणाशी संबंध नसलेल्या लोकांचा आंदोलनात सहभाग - बच्चू कडू

शिक्षणाशी संबंध नसलेल्या लोकांचा आंदोलनात सहभाग - बच्चू कडू

दहावी बारावीच्या परीक्षा ऑनलाईन (10th And 12th Exams) घ्याव्यात अशी मागणी घेऊन राज्यातील अनेक ठिकाणी विद्यार्थी रस्त्यावर उतरले आहेत. पुणे, नागपुर, औरंगाबाद, अकोला आणि मुंबईतील काही ठिकाणी विद्यार्थी आक्रमक झाले आहेत. त्यानंतर राज्याचे शिक्षण राज्यमंत्री बच्चू कडू यांनी सरकारची बाजू मांडली आहे. हिंदुस्तानी भाऊ (Hindustani Bhau) म्हणून कुणीतरी आंदोलनाची सुरूवात केली होती. त्यांची मागणी आम्ही जाणून घेऊ, मात्र कुणीही अशी मागणी करायची गरज नाही, शिक्षण विभाग त्यासाठी तत्पर आहे असं बच्चू कडू म्हणाले आहेत. (Bacchu Kadu Reaction on Hindustani Bhau)

हेही वाचा: Student Protest: ऑफलाईन परीक्षांना विरोध; पुणे, नागपूरमध्ये आंदोलन

राज्यातील विद्यार्थ्यांच्या आंदोलनावर बोलताना बच्चू कडू म्हणाले, काही विद्यार्थी रस्त्यावर आले म्हणजे, सर्व विद्यार्थ्यांचं असंच मत आहे असं म्हणता येणार नाही. ज्यांचा शिक्षणाशी संबंध नाही, त्या लोकांचाही या आंदोलनात सहभाग असल्याची शक्यता आहे. विद्यार्थ्यांची मागणी काय आहे? आंदोलनाचं आयोजन कुणी केलं? याची चौकशी केली जाईल. विद्यार्थ्यांचं नुकसान होणार नाही यासाठी आम्ही योग्य निर्णय घेऊ असंही बच्चू कडूंनी स्पष्ट केलं आहे. पोलिसांनी देखील आंदोलन अतिशय व्यवस्थित हाताळावं असही त्यांनी यावेळी सांगितलं आहे. (Bacchu Kadu News)

हेही वाचा: विद्यार्थी आंदोलन : पोलीस 'हिंदुस्थानी भाऊ' च्या मागावर

हिंदुस्थानी भाऊनं व्हिडिओमध्ये काय म्हटलं? (Hindustani Bhau Viral Video)

दोन वर्षात कोरोनामुळे मृत्यू झाले आहेत. यामध्ये विद्यार्थ्यांचे देखील मृत्यू झाले आहेत. या धक्क्यातून कुटुंब अजून सावरलेलं नाही. आता ओमिक्रॉन आला आहे. स्वतः सरकार म्हणतेय की घरात राहा, काळजी घ्या. मग सरकार विद्यार्थ्यांचा बळी का देत आहे? प्रोफेसर ऑनलाइन बैठक घेत आहेत. तुम्हाला तुमच्या जीवाची काळजी आहे, तर विद्यार्थ्यांच्या जीवाशी खेळ का? असा सवाल हिंदुस्थानी भाऊनं त्याच्या व्हिडिओमधून केला आहे.

Web Title: Bacchu Kadu On Hindustani Bhau Reaction After 10th And 12th Students Protest Against Offline Exam

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Bacchu Kadu
go to top