अनिल देशमुख प्रकरणी चांदीवाल आयोगाची सुनावणी पूर्ण; सरकारच्या भूमिकेकडं लक्ष

मुंबई : शंभर कोटी वसूली प्रकरणाच्या चौकशीसाठी राज्य शासनानं नेमहलेल्या चांदीवाल आयोगाची (Chandiwal Commission) चौकशी पूर्ण झाली आहे. यानंतर आता हा चौकशी अहवाल राज्य शासनाकडं पाठवला जाणार आहे. यानंतर राज्य सरकार यावरुन काय निर्णय घेते याकडे सर्वांचे लक्ष लागले आहे. या प्रकरणात माजी गृहमंत्री अनिल देशमुख (Anil Deshmukh) हे सध्या तुरुंगात आहे. (Chandiwal Commission hearing in Anil Deshmukh case completed)

शंभर कोटी वसूली प्रकरणात राज्य सरकारने नेमलेल्या चांदीवाल आयोगात गुरुवारी अंतिम सुनावणी पार पडली. यावेळी मुंबईचे निलंबित पोलीस अधिकारी सचिन वाझे आणि महाराष्ट्राचे माजी गृहमंत्री अनिल देशमुख चांदीवाल आयोगासमोर आज हजर झाले होते. आजच्या शेवटच्या सुनावणीनंतर आयोग आपला निर्णय सीलबंद लिफाफ्यात महाराष्ट्र सरकारला सुपूर्द करणार आहे.

दरम्यान, चांदीवाल आयोगाचं कामकाज पूर्ण झाल्यानं 22 मार्च रोजी हा अहवाल तयार करुन तो 23 मार्चला सीलबंद केला जाईल. यानंतर हा अहवाल राज्य सरकारकडे पाठवला जाणार आहे. यानंतर राज्य सरकार यावर योग्य तो निर्णय घेईल. पण हा निर्णय काय असेल याकडे सर्वांच्या नजरा लागल्या आहेत.