मुख्यमंत्री मुंबईचे असल्याने मंत्रालयात आता दररोज कामकाज सुरू राहणार

प्रशांत बारसिंग
शुक्रवार, 13 डिसेंबर 2019

ठाकरेंची रोज उपस्थिती
आता शिवसेना, काँग्रेस आणि राष्ट्रवादी काँग्रेसच्या महाविकास आघाडीची सत्ता आहे. मुख्यमंत्री उद्धव ठाकरे मुंबईतील आहेत. त्यामुळे आठवडाभर मंत्रालय कार्यरत राहण्याची शक्‍यता आहे. २८ नोव्हेंबर रोजी ठाकरे यांनी मुख्यमंत्रिपदाची शपथ घेतल्यापासून ते दररोज मंत्रालयात उपस्थित राहत आहेत. ठाकरे सरकारने बुधवारी मंत्रिमंडळ बैठक घेण्याचा पायंडा पाडला आहे. अपवादात्मक परिस्थितीत कधीतरी एक-दोन दिवस वगळता उद्धव ठाकरे मंत्रालयात येणार असल्याने आठवडाभर मंत्रालय कार्यरत राहणार आहे.

मुंबई - राज्याला गेल्या २५ वर्षांनंतर मुंबईतील मुख्यमंत्री लाभल्याने मंत्रालय आता आठवडाभर कार्यरत राहणार आहे.

ताज्या बातम्यांसाठी डाऊनलोड करा ई-सकाळच ऍप 

शिवसेना-भाजप युतीचे सरकार १९९५ मध्ये सत्तेवर आल्यानंतर मुख्यमंत्रिपदावर मनोहर जोशी विराजमान झाले होते. जोशी यांचे मूळ गाव रायगड जिल्ह्यातील असले, तरी त्यांची संपूर्ण कारकीर्द मुंबईत राहिल्याने ते मुंबईचे मुखमंत्री असल्याचे मानले जात होते. युतीच्या सत्तेत शेवटच्या सहा महिन्यांसाठी जोशी यांच्याऐवजी नारायण राणे यांना मुख्यमंत्री करण्यात आले होते. राणे सिंधुदुर्ग जिल्ह्यातील कणकवलीचे आहेत आणि आजपर्यंत त्यांनी ग्रामीण भागाची नाळ सोडलेली नाही.

माझी लढण्याची प्रेरणा माझी आई आणि सर्वसामान्य माणूस : पवार

राज्यात १९९९ मध्ये सत्तांतर झाले आणि काँग्रेस आघाडीची सत्ता आली. आघाडीच्या १५ वर्षांच्या सत्तेत विलासराव देशमुख, सुशीलकुमार शिंदे, अशोक चव्हाण आणि पृथ्वीराज चव्हाण यांनी मुख्यमंत्रिपदाची धुरा सांभाळली. विलासराव देशमुख हे लातूरचे, शिंदे सोलापूर येथील, अशोक चव्हाण नांदेडचे आणि पृथ्वीराज चव्हाण कऱ्हाड येथील आहेत. त्यामुळे मुख्यमंत्रिपदाचा कारभार करताना या माजी मुख्यमंत्र्यांनी आपला मूळ मतदारसंघ किंवा जिल्हा संपर्क कायम ठेवला होता. 

कर्तृत्व, दातृत्व आणि नेतृत्व हे आमच्यासाठी शरद पवारच : जयंत पाटील

मुख्यमंत्रिपदाच्या कारकिर्दीत त्यांना मंत्रालय, मूळ जिल्हा आणि मुख्यमंत्री या नात्याने राज्यभरातील पक्षीय आणि शासकीय कार्यक्रमांना उपस्थित राहण्यासाठी त्यांना राज्यभर दौरे करावे लागत होते.

या मंत्र्यांना मिळणार 'हे' खातं ; अखेर खातेवाटप जाहीर.. 

आघाडीच्या काळात आठवड्याच्या प्रत्येक बुधवारी मंत्रिमंडळाची बैठक होत असे. त्यामुळे मुख्यमंत्री आणि सर्व मंत्री मंगळवार, बुधवार आणि जास्तीत जास्त गुरुवारपर्यंत एक-दोन मंत्री उपस्थित राहत असे. म्हणजेच, मंत्री आठवड्यातील सरासरी तीन दिवस उपस्थित असत. अन्य दिवशी मुख्यमंत्री किंवा मंत्री उपस्थित नसल्याने कामकाज संथ गतीने होत होते. त्यामुळे मंत्रालयातील वर्दळही अन्य दिवशी रोडावलेली असे. 

मोबाईल नंबर पोर्ट करायचाय? आता 'हे' आहेत नवीन नियम.. 

युतीचे सरकार २०१४ मध्ये पुन्हा सत्तेवर आले आणि भाजपचे देवेंद्र फडणवीस मुख्यमंत्री झाले. फडणवीस नागपूर येथील असल्याने त्यांना अनेकदा नागपूर, विदर्भ आणि राज्यभरात दौरे करावे लागत होते. फडणवीस यांच्या कालखंडात मंगळवारी मंत्रिमंडळ बैठक होत असे. त्यामुळे बुधवारपासूनच मंत्रालय ओस पडत असल्याचे पाच वर्षे चित्र होते.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Chief Minister is from Mumbai, daily activities will continue in the ministry