चोरीचा मामला सेना भवनातच बोंबला, चित्रा वाघ यांची संजय राऊतांवर टीका

पुणे : भारतीय जनता पक्ष आणि शिवसेना हे दोन्ही पक्ष एकमेकांवर आरोप-प्रत्युरोप करण्याची एकही संधी सोडत नाहीत. महाराष्ट्रात भारनियमन सुरु आहे. त्यास कोळसा टंचाई कारणीभूत आहे. त्यामुळे वीज निर्मितीवर परिणाम झाला आहे. मात्र आता वीजेवरुन राजकीय नाट्य सुरु झाल्याचे दिसत आहे. नागपूर येथे शिवसेनेचे खासदार संजय राऊत (Sanjay Raut) यांची सभा पार पडली. या सभेसाठी चोरीची वीज वापरण्यात आल्याचे उघडकीस आले आहे. यावर भाजपच्या नेत्या चित्रा वाघ (Chitra Wagh) यांनी टीका केली आहे. त्या म्हणतात, गुरुवारी नागपुरात शिवसेनेच्या सर्वज्ञानींची भरलेली सभा चोरीच्या विजेतून झाल्याचं समोर आलं आहे. (Chitra Wagh Attack On Sanjay Raut Over Power Theft)

आता पक्षांतर्गत चौकशीची सारवासारव केली जात आहे. चोरीचा मामला सेना भवनातच बोंबला, अशी घणाघाती टीका वाघ यांनी संजय राऊत यांच्यावर केली आहे. राऊत यांची गुरुवारी (ता.२१) नागपूर येथी गजाजन परिसरात सभा पार पडली. या प्रसंगी ते म्हणाले, नागपूर महापालिकेत घोटाळा करणारे तुरुंगात जातील.

दरम्यान सभेसाठी वीजेच्या तारेवर आकडे टाकून वीज चोरल्याचा प्रकार उघडकीस आला आहे. मात्र असा कोणाताही प्रकार घडला नसल्याचे सांगण्यात आले आहे. सभेच्या ठिकाणामागे असलेल्या गजानन महाराज यांचे मंदिर होते. तेथून परवानगीने आम्ही वीजपुरवठा घेतला, असे स्पष्टीकरण आयोजकांनी दिले आहे.