Vidhan Sabha 2019: मुख्यमंत्री फडणवीसांना दणका; सुप्रीम कोर्टात चालणार खटला

टीम ई-सकाळ
मंगळवार, 1 ऑक्टोबर 2019

नवी दिल्ली : मुख्यमंत्री देवेंद्र फडवणवीस यांच्यावर सुप्रीम कोर्टात खटला चालवण्यात येणार आहे. गेल्या विधानसभा निवडणुकीत प्रतिज्ञापत्रात माहिती लपविल्याप्रकरणी फडणवीस यांच्यावर खटला चालवण्यात येणार आहे.

नवी दिल्ली : मुख्यमंत्री देवेंद्र फडवणवीस यांच्यावर सुप्रीम कोर्टात खटला चालवण्यात येणार आहे. गेल्या विधानसभा निवडणुकीत प्रतिज्ञापत्रात माहिती लपविल्याप्रकरणी फडणवीस यांच्यावर खटला चालवण्यात येणार आहे.

पडळकरजी 'त्या' बिरोबाच्या शपथेचं काय झालं?

काय आहे प्रकरण?
महाराष्ट्रात 2014मध्ये झालेल्या विधानसभा निवडणुकीत देवेंद्र फडणवीस यांनी सादर केलेल्या प्रतिज्ञापत्रात माहिती लपवण्यात आल्याचा आरोप आहे. फडवणीस यांच्यावर दोन गुन्हे दाखल असून, ती प्रकरणी न्यायप्रविष्ठ असल्याची माहिती फडवणीस यांनी त्यांच्या प्रतिज्ञापत्रात दिलेली नव्हती. याप्रकरणी ज्येष्ठ वकील सतीश उके यांनी मुंबई हायकोर्टात याचिका दाखल केली होती. हायकोर्टाने ती फेटाळून लावल्यानंतर त्यांनी पुढे सुप्रीम कोर्टात याचिका दाखल केली होती. सरन्यायाधीश रंन गोगोई यांच्या खंडपीठाने मुख्यमंत्री फडणवीस यांच्याविरोधात खटला चालणार असल्याचे स्पष्ट केले आहे. याप्रकरणी सुप्रीम कोर्टाने यापूर्वी मुख्यमंत्री फडणवीस यांना नोटीस बजावली होती. तसेच या विषयावर बाजू मांडण्यास सांगितले. होते. त्यावर योग्य वळी उत्तर सादर केले जाईल, अशी प्रतिक्रिया मुख्यमंत्री सचिवालयातून माध्यमांना देण्यात आली होती. फडणवीस यांच्या विरोधातील याचिका तथ्यहीन असल्याचे मुंबई हायकोर्टाने म्हटले होते.

उदयनराजेंविरोधात अखेर उमेदवार ठरला!

कायदा काय सांगतो?
मुख्यमंत्री फडणवीस यांच्याविरोधात लोकप्रतिनिधी कायद्याचा भंग केल्याची तक्रार याचिकेत करण्यात आली आहे. हायकोर्टाने याचिका फेटाळल्यानंतर गेल्या वर्षी याचिकाकर्त्यांनी सुप्रीम कोर्टात दाद मागितली होती. कायद्यातील तरतुदीनुसार जर, मुख्यमंत्री फडणवीस दोषी आढळले तर, त्यांना दोन वर्षांची कारावासाची शिक्षा होऊ शकते.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: cm devendra fadnavis to face trial in sc for 2014 affidavit case Vidhan Sabha 2019