राज्यातील कोरोना मृत्यूदरात होतेय वाढ, हे कसले संकेत ?

मुंंबई : शर्थीचे प्रयत्न करून देखील राज्यात कोविड19 रुग्णांच्या मृत्यूदरात काहीशी वाढ झाल्याचे दिसते. आठवड्याभरपूर्वी 3.46 टक्के असणारा मृत्युदर 3.68 टक्क्यांवर गेला आहे. राज्यातील मृत्युदर हळूहळू वाढत असल्याचे दिसते.

राज्यात 6 जून रोजी कोविड19 रुग्णांची संख्या 74,860 इतकी होती तर 2587 रुग्णांच्या मृत्यूची नोंद झाली होती. राज्यातील मृत्युदर हा 3.46 इतका होता. तर 13 जून रोजी रुग्णांची संख्या 1,01,141 इतकी झाली तर 3,717 रुग्णांचा मृत्यू झाला. मृत्यूदरात 0.22 टक्क्यांनी वाढ होत मृत्युदर 3.68 टक्क्यांवर पोहोचला.

मोठी बातमी - अखेर लोकल ट्रेन धावली! पण केवळ मर्यादित प्रवाशांसाठी, 'या' आहेत अटी

राज्यभरातील रुग्णांचा आकडा हा 1,07,958 वर पोहोचला आहे. तर आतापर्यंत 3,950 रुग्ण दगावले आहेत. राज्यातील रुग्णांची संख्या ही झपाट्याने वाढत असल्याचे दिसते. रुग्णालयात दाखल असलेल्या एकूण रुग्णांपैकी 4 टक्के रुग्ण हे गंभीर असून त्यांच्यावर आयसीयू मध्ये उपचार सुरू आहेत. एकूण रुग्णांपैकी 70 टक्के रुग्णांना दीर्घकालीन आजार असून मृतांमध्ये दिर्घकालीन आजार असलेल्या रुग्णांचा अधिक समावेश आहे.

राज्यात बरे होणाऱ्या रुग्णांची संख्या ही वाढतांना दिसते. राज्यात दररोज सरासरी दीड हजार रुग्ज बरे होत असून राज्यात आतापर्यंत घरी सोडण्यात आलेल्या रुग्णांची एकूण संख्या 50 हजार 978 झाली आहे. सध्या राज्यात केवळ 53 हजार 17 रुग्ण रुग्णालयात दाखल असून त्यांच्यावर उपचार सुरू आहेत.

मोठी बातमी - अत्यावश्यक सेवेसाठी आजपासून लोकल धावणार

राज्यात सध्या 55 शासकीय आणि 42  खाजगी अशा एकूण 97 प्रयोगशाळा करोना निदानासाठी कार्यरत आहेत. आजपर्यंत पाठविण्यात आलेल्या 6 लाख 56 हजार 739 नमुन्यांपैकी  1 लाख 7 हजार  958 नमुने पॉझिटिव्ह आले आहेत. राज्यात 5 लाख  87 हजार  596 लोक होम क्वारंटाईनमध्ये आहेत. राज्यात 1535 संस्थात्मक क्वारंटाईन सुविधांमध्ये  77 हजार 189 खाटा उपलब्ध असून सध्या 29 हजार 641 लोक संस्थात्मक क्वारंटाईनमध्ये आहेत.

death rate of covid patients in maharashtra increased slightly read important news