'जाधवांच्या कारवाईसंदर्भात आयटी विभाग चौकशी करत आहे, त्यावर मी फारस बोलणं उचित नाही'
आयकर विभागाने सलग चार दिवस शिवसेना नेते यशवंत जाधव यांच्या घरात छापेमारी केली आहे. यावेळी काही महत्वाचे दस्तऐवजही हाती लागले. या चौकशीदरम्यान जाधवांची (Yashwant Jadhav) डायरी आयकर विभागाच्या हाती लागली. त्यामध्ये जाधव यांनी दोन कोटी रुपये 'मातोश्री'ला दिल्याचा उल्लेख आहे. मातोश्री या म्हणजे कोण, असा प्रश्न विचारल्यानंतर त्यांनी स्वत:च्या आईला पैसे दिल्याचं सांगितलं. आईला दानधर्म करण्यासाठी पैसे दिल्याचा खुलासा आहे. दरम्यान, यशवंत जाधवरील कारवाईसंर्भात अधिकची चौकशी आयटी विभाग करत आहे. त्यावर मी काय फारस बोलणं उचित नाही, अशी प्रतिक्रिया विरोधी पक्षनेते देवेंद्र फडणवीस (Devendra Fadnavis) यांनी दिली आहे. त्यांच्या डायरीतील ‘मातोश्री’ उल्लेखाबाबत आयकर विभागच योग्य ती चौकशी करेल, असेही ते म्हणाले आहेत.
यावेळी फडणवीस म्हणाले, आयटी विभागाच्या (IT Raid) या चौकशीत नेमकी काय नोंद आहे हे पाहिलेलं नाही. मात्र आयटी विभागाने घेतलेल्या नोंदींसंदर्भात चौकशी होईल. याआधीही आम्ही सभागृहात सांगितलं होतं की, चोवीस महिन्यात ३८ प्रॉपर्टी म्हणजे कोविडच्या काळात मुंबई महापालिकेला (BMC) लुटले जात होते. त्याकाळात भ्रष्टाचारा व्यतरिक्त वेगळ काहीच नव्हत हे स्पष्ट झालं आहे. यशवंत जाधव यांच्यावरील आजच्या कारवाई यासंर्भात ते म्हणाले, याविषयी अधिकची चौकशी आयटी विभाग करत आहे. त्याच्यावर मी काय फारस बोलणं उचित नाही.
दरम्यान, यशवंत जाधव आणि आमदार यामिनी यांच्यासह विमल अग्रवाल यांच्यावरही कारवाई झाली होती. २०१८ ते २०२२ यशवंत जाधव स्थायी समितीचा कार्यभार पाहात होते. यातील दोन वर्षांच्या काळात त्यांनी १००० सदनिका आणि ३६ इमारतींचा घोटाळा केल्याचा आरोप सोमय्यांनी केला. यानंतर तपासात जाधवांची डायरी हाती लागली आहे. यामध्ये ५० लाखांचं घड्याळ मातोश्रीला दिल्याचा उल्लेख देखील आला आहे. जाधवांच्या या दाव्याची पडताळणी सुरू आहे. बेनामी संपत्ती अॅक्ट अंतर्गत ही चौकशी सुरू आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.