ईडी समन्सनंतर संजय राऊतांचा देवेंद्र फडणवीसांना थेट इशारा

सध्या राज्यातील राजकीय वातावरण तापलं असताना आणखी एक मोठी बातमी समोर येत आहे. शिवसेना खासदार संजय राऊत यांना ईडीने समन्स पाठवले असून उद्या त्यांची चौकशी होणार आहे. या पार्श्वभूमीवर खासदार राऊतांनी एक ट्वीट केल आहे. मला आताचा समजले ED ने मला समन्स पाठवले आहे. या लढाईत मला रोखण्यासाठी हे कारस्थान सुरू आहे. मात्र माझी मान कापली तरी मी गुहाटीचा मार्ग स्विकारणार नाही, असा थेट इशारा राऊतांनी अप्रत्यक्षरित्या देवेंद्र फडणवीस यांना दिला आहे. (maharashtra news)

सध्या सुरु असलेल्या राजकीय वातावरणात अनेक आरोप प्रत्यारोप आणि बैठकी सुरु आहेत. हा शिवसेनेचा अंतर्गत वाद असून आम्ही यापासून अनभिज्ञ आहोत अशी भूमिका भाजापाने घेतली आहे. दरम्यान, आता या पार्श्वभूमीवर ईडीने खासदार राऊतांना समन्स पाठवले आहे. त्यामुळे राऊतांनी यावर ट्वीट करत फडणवीस यांना इशारा दिला आहे.

ट्वीटमध्ये राऊत म्हणतात की, ते म्हणाले, मला आताचा समजले ED ने मला समन्स पाठवले आहे....छान....महाराष्ट्रात मोठ्या घडामोडी सुरू आहेत आणि आम्ही सगळे बाळासाहेबांचे शिवसैनिक मोठ्या लढाईत उतरलो आहोत. त्यामुळं मला रोखण्यासाठीच हे कारस्थान सुरू आहे. मात्र एक लक्षात घ्या, माझी मान कापली तरी मी गुहाटीचा मार्ग स्विकारणार नाही. या आणि मला अटक करा! जय महाराष्ट्र!, असं त्यांनी स्पष्ट केलं आहे.

सध्याचे वातावरण पाहता राज्यातील घडामोडींचा वेग दिवसेंदिवस वाढताना दिसत आहे. या राजकारणाच्या पार्श्वभूमrवर आता ठाकरे सरकारने एक महत्वाचा निर्णय घेतला आहे. उद्धव ठाकरे यांनी बंडखोर आमदारांच्या परतीचे दोर कापल्याचं स्पष्ट झालं आहे. सध्या ठाकरे सरकारमधील सेना नेते गुवाहाटीत आहेत. या सर्व नेत्यांना मुख्यमंत्री ठाकरे यांनी थेट दणका दिला आहे. ठाकरे यांनी सर्व मंत्र्यांची खाती काढून घेतली असून मंत्रीमंडळाचं फेरवाटप केलं आहे. या खात्यांचा तात्पुरता कार्यभार नव्या मंत्र्यांवर सोपवला आहे. त्यामुळे आता वातावरण आणखी तापण्याची शक्यता आहे.