Ganesh Naik : गणेश नाईकांवर अटकेची टांगती तलवार; अटकपूर्व जामीन अर्ज फेटाळला | Sakal
sakal

बोलून बातमी शोधा

Ganesh Naik Pre arrest bail application rejected

गणेश नाईकांवर अटकेची टांगती तलवार; अटकपूर्व जामीन अर्ज फेटाळला

मुंबई : भाजप आमदार गणेश नाईक (Ganesh Naik) यांचा ठाणे न्यायालयाने अटकपूर्व जामीन अर्ज शनिवारी (ता. ३०) फेटाळला आहे. यामुळे त्यांच्यासमोरील अडचणी थांबण्याचे नाव घेत नसल्याचे दिसून येत आहे. गणेश नाईक यांच्याविरोधात महिलेने लैंगिक शोषणाचा आरोप केला आहे. तसेच धमकावल्याचेही तक्रारीत म्हटले आहे. (Ganesh Naik Pre arrest bail application rejected)

शनिवारी गणेश नाईक यांचा ठाणे न्यायालयाने अटकपूर्व जामीन अर्ज फेटाळला. गणेश नाईक यांच्यावर बलात्कार आणि धमकावणे अशा प्रकारचे दोन गुन्हे दाखल आहेत. नाईक यांनी अटकपूर्व जामीन अर्ज दाखल केला होता. मात्र, अर्ज फेटाळल्याने त्यांच्यावरील अटकेची टांगती तलवार कायम असल्याचे दिसून येते.

हेही वाचा: G-20 शिखर परिषद : इंडोनेशियाने पुतिन, झेलेन्स्कींना केले आमंत्रित

गणेश नाईक (Ganesh Naik) हे दिपा चौहान या महिलेसोबत २७ वर्षे लिव्ह इन रिलेशनशिपमध्ये होते. मात्र, या महिलेने आपल्या जिवाला धोका असल्याचे म्हणत नाईक यांच्याविरोधात तक्रार दाखल केली होती. महिलेला धमकावल्याप्रकरणी पोलिसांनी नाईक यांच्याविरोधात अटक वॉरंट जारी केला होता. मात्र, त्यांनी ठाणे न्यायालयाने अटकपूर्व जामीन अर्जासाठी अर्ज केला होता. मात्र, न्यायालयाने नाईक यांचा अटकपूर्व जामीन अर्ज (Pre arrest bail application rejected) फेटाळला. त्यामुळे नाईक यांच्यासमोरील अडचणी वाढल्या आहेत.

दिपा चौहान व गणेश नाईक (Ganesh Naik) २७ वर्षे लिव्ह इन रिलेशनशीप होते. या रिलेशनशीपमधून महिलेला एका मुलगा झाला. आता मुलाला गणेश नाइकांनी स्वीकारण्यास नकार दिला. मार्च २०२१ मध्ये आमदार गणेश नाइकांनी मला सीबीडी रेतीबंदर येथील लखानी टॉवर्ससमोरील इमारतीत बोलावून घेतले. तिथे मी मुलाला त्यांचे नाव देण्याबाबत विचारणा केली असता, त्यांनी माझ्यासमोर बंदूक ठेवून त्रास देऊ नको, असे सांगत ‘तू शांत राहिली नाहीस, तर मी स्वतःलाही संपवेन आणि तुम्हा दोघांनाही संपवेन’, अशी धमकी दिल्याचा आरोप महिलेने तक्रारीत केला आहे.

Web Title: Ganesh Naik Pre Arrest Bail Application Rejected Sword Hanging Over Pre Arrest Bail Application Rejected

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :ganesh naikbail
go to top