कोल्हापूर: सदावर्तेंना पाच दिवसांची पोलीस कोठडी

गुणरत्न सदावर्तेंना कोल्हापूर सत्र न्यायालयाने 5 दिवसांची पोलीस कोठडी सुनावली आहे. 25 एप्रिलपर्यंत गुणरत्न सदावर्तेंना (Gunaratna Sadavarte) पोलीस कोठडीत (Police Custody) राहावं लागणार आहे. सातारा पोलिसांकडून काल मुंबई पोलिसांकडे गुणरत्न सदावर्तेंचा ताबा देण्यात आला होता. त्यानंतर काल ऑर्थर रोड कारागृहातून गुणरत्न सदावर्ते यांचा ताबा घेण्यात आला होता. त्यानंतर त्यांना कोल्हापूर सत्र न्यायालयात (Kolhapur Sessions Court) हजर करण्यात आले. त्यानंतर न्यायालयाने त्यांना पाच दिवसांची पोलीस कोठडी सुनावली आहे. आता 25 एप्रिल पर्यंत गुणरत्न सदावर्ते यांना पोलीस कोठडीत राहावं लागणार आहे.

कोल्हापूरच्या शाहूनगर पोलिसांनी गुणरत्न सदावर्तेंचा ताबा घेतल्यानंतर त्यांना कोल्हापूर सत्र न्यायालयाच्या मुख्य न्यायदंडाधिकाऱ्यांसमोर हजर करण्यात आले होते. पोलिसांकडून 7 दिवसांच्या पोलीस कोठडीची मागणी करण्यात आली होती. यादरम्यान आवाजांचे नमुने घेणे, युट्यूब तसेच इतर भाषणं चेक करण्यासाठी पोलिसांनी ही मागणी केली होती. युक्तीवादादरम्यान स्वतः गुणरत्न सदावर्ते यांनी स्वतः कबूल केलं की, मी दिलेल्या काही मुलाखती रेकॉर्डवर आहेत. दरम्यान सर्व युक्तिवादानंतर न्यायालयाने सदावर्ते यांना 5 दिवसांची पोलीस कोठडी सुनावली.