कर्मचाऱ्यांच्या प्रश्‍नांसाठी मंत्री मुश्रीफ घेणार अजित पवारांची भेट l Hasan Mushrif | Sakal
sakal

बोलून बातमी शोधा

hasan mushrif,ajit pawar

कर्मचाऱ्यांच्या प्रश्‍नांसाठी मंत्री मुश्रीफ घेणार अजित पवारांची भेट

कोल्हापूर : ग्रामपंचायत कर्मचाऱ्यांच्या ग्रामविकास विभागाशी संबंधित निर्णय सचिवांसोबत बैठक घेवून तातडीने मार्गी लावता येतील. त्यासाठी पुढील आठवड्यात बैठक घेतली जाईल. मात्र मागण्यांसाठी आर्थिक नियोजन करावे लागणार असेल तर उपमुख्यमंत्री अजित पवार (Ajit Pawar) यांची वेळ घेवून त्यांच्या सोबत बैठक घेण्याचे आश्‍वासन ग्रामविकास मंत्री हसन मुश्रीफ (Hasan Mushrif)यांनी आज महाराष्ट्र राज्य ग्रामपंचायत महासंघाच्या शिष्टमंडळाला दिले.

ग्रामपंचायत कर्मचाऱ्यांच्या मागण्या पूर्ण होण्यासाठी महाराष्ट्र राज्य ग्रामपंचायत कर्मचारी महासंघाच्या वतीने बिंदू चौकात आंदोलन सुरु आहे. या पार्श्वभूमीवर ग्रामविकास मंत्री मुश्रीफ यांनी जिल्हाधिकारी कार्यालयात बैठक घेतली. यावेळी जिल्हाधिकारी राहुल रेखावार, जिल्हा परिषदेचे मुख्य कार्यकारी अधिकारी संजयसिंह चव्हाण, निवासी उपजिल्हाधिकारी शंकरराव जाधव, करवीरचे उपविभागीय अधिकारी वैभव नावडकर, उप मुख्य कार्यकारी अधिकारी अरुण जाधव तसेच संबंधित ग्रामपंचायत कर्मचारी उपस्थित होते.

हेही वाचा: कोल्हापुरात तिसऱ्या लाटेचा धोका अटळचं; मंत्री हसन मुश्रीफ

ग्रामपंचायत कर्मचाऱ्यांच्या विविध मागण्या सोडवण्यासाठी ग्रामविकास विभाग सकारात्मक निर्णय घेईल असे मुश्रीफांनी सांगितले. किमान वेतन, ग्रामपंचायत कर्मचाऱ्यांमधून 10 टक्के कर्मचाऱ्यांची पंचायत समिती व जिल्हा परिषदेमध्ये नियुक्ती, 14 व 15 व्या वित्त आयोगाच्या निधीच्या आधारे सफाई कर्मचाऱ्यांना मेहनताना देणे आदी मागण्यांबाबत सविस्तर चर्चा करुन निर्णय घेण्यात येईल, असेही त्यांनी यावेळी सांगितले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top