महाराष्ट्रात 24 तासांत थंडी कमी होणार; पंजाबसह 'या' भागात लाट

मुंबई : राज्यात गेल्या काही दिवसापासून पश्चिमी चक्रवातामुळे (Cyclonic) गारठा वाढला आहे. मात्र येत्या २४ तासात महाराष्ट्र (Maharashtra)आणि मराठवाड्यात थंडी कमी होणार आहे. तर पंजाब, पश्चिम मध्य प्रदेशचा दक्षिण भाग, विदर्भ, छत्तीसगड, ओडिसा, उत्तर मध्य या भागात थंडीची लाट येण्याची शक्यता आहे. याबाबत हवामान विभागाकडून अंदाज वर्तवण्यात आला आहे. (Maharashtra Cold Wave News Updates)

दरम्यान २ ते ४ फेब्रुवारीत पश्चिम हिमालयीन प्रदेशात हलका,मध्यम पाऊस तसेच बर्फवृष्टी मोठ्या प्रमाणात होणार आहे. तर 3 फेब्रुवारी रोजी परिसरात गारपिटीची शक्यता वर्तवण्यात आली आहे.

या ठिकाणी पडणार पाऊस

बिहार, झारखंड, पश्चिम बंगाल आणि सिक्कीममध्ये तीन ते चार फेब्रुवारीमध्ये विजांच्या कडकडाटासह हलक्या पावसाच्या सरी पडणार आहेत. आणि चार ते पाच फेब्रुवारी दरम्यान आसाम, मेघालय,नागालँड, मणिपूर, मिझोराम आणि त्रिपुरामध्ये मध्यम हलक्या सरी कोसळणार आहेत.

महाराष्टात औरंगाबाद-लातूरमध्येही हुडहुडी

गेल्या चार दिवसांपासून मराठवाड्यात थंडीची लाट कायम आहे. परभणी शहरात शनिवारी (ता.२९) यंदाच्या सर्वात नीचांकी तापमानाची नोंद झाली. तापमानाचा पारा ५.६ अंशांवर घसरला. त्या पाठोपाठ औरंगाबाद ८ तर लातूर शहराचे तापमान ८.५ अंश सेल्सिअस इतके कमी नोंदविले गेले. दरम्यान, आगामी दोन दिवसांत तापमानाचा पारा परत वर चढण्याचा अंदाज परभणी येथील वसंतराव नाईक मराठवाडा कृषी विद्यापीठातील हवामान तज्ज्ञांनी व्यक्त केला.