राज्यात 24 तासांत कोरोना बाधितांचा उच्चांक; चिंतेत भर | Sakal
sakal

बोलून बातमी शोधा

corona update

राज्यात 24 तासांत कोरोना बाधितांचा उच्चांक; चिंतेत भर

मुंबई : राज्यात गेल्या 24 तासांत नव्या कोरोना (Corona) बाधितांच्या आकडेवारीने उच्चांकी नोंद केली आहे. गेल्या 24 तासांत राज्यात नव्या 2, 813 कोरोना बाधितांची नोंद करण्यात आली आहे. यामुळे नागरिकांसह प्रशासनाच्या चिंतेत भर पडली आहे. गेल्या दोन दिवसांपासून राज्यात अडीच हजारांहून अधिक कोरोना बाधितांची नोंद केली जात आहे. त्यात आज या आकडेवारीने नवा टप्पा पार केला आहे. 2,813 नव्या रुग्णांपैकी 1,702 रूग्ण एकट्या मुंबईतील असल्याने येथील नागरिकांचीदेखील चिंता वाढली आहे. (Maharashtra Corona Update)

हेही वाचा: देशात कोरोना रुग्णसंख्येत 40 टक्क्यांची वाढ; 24 तासांत 7240 नव्या रुग्णांची नोंद

दरम्यान, राज्यात चोवीस तासांत एका कोरोना बाधिताचा मृत्यू झाला असून, राज्यातील रुग्ण बरे होण्याचे प्रमाण 97.98 टक्क्यांवर नोंदवण्यात आले आहे. तर, राज्याचा मृत्यूदर 1.87 टक्के इतका झाला आहे. राज्यात सध्या 11, 571 इतक्या कोरानाच्या सक्रिय रुग्णांची नोंद करण्यात आली असून, मुंबईमध्ये सर्वाधिक 7,998 इतक्या सक्रिय रुग्णांची नोंद करण्यात आली आहे. त्यानंतर ठाण्यात 1,984 इतके सक्रिय रुग्णांची नोंद करण्यात आली आहे.

Web Title: Maharashtra Recorded New 2813 Corona Cases In Last 24 Hour

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top