पदवीधर आणि शिक्षक विधानपरिषद मतदारसंघासाठी महाविकास आघाडीच्या उमेदवारांची यादी जाहीर

मुंबई:  महाविकास आघाडीतर्फे पदवीधर आणि शिक्षक विधानपरिषद मतदारसंघातून पाच अधिकृत उमेदवार निवडणूक लढवत असल्याचे संयुक्त जाहीर प्रसिद्धीपत्रक काढण्यात आले आहे. 

अमरावती शिक्षक मतदारसंघातून शिवसेनेकडून श्रीकांत देशपांडे, पुणे पदवीधर मतदारसंघातून राष्ट्रवादीकडून अरुण लाड, औरंगाबाद पदवीधर मतदारसंघातून राष्ट्रवादीकडून सतीश चव्हाण, पुणे शिक्षक मतदारसंघातून काँग्रेसकडून प्राध्यापक जयंत आसगांवकर तर नागपूर पदवीधर मतदारसंघातून काँग्रेसकडून अभिजित वंजारी यांना अधिकृत उमेदवारी देण्यात आलेली आहे.

अधिक वाचा- ठाकरे सरकारची नवीन योजना, माझे लाईट बिल माझी जबाबदारी; भाजपचा टोला

तरी या अधिकृत उमेदवारांना भरघोस मतांनी विजयी करावे असे आवाहन महाविकास आघाडीतर्फे राष्ट्रवादी काँग्रेसचे प्रदेशाध्यक्ष जयंत पाटील, शिवसेनेचे सुभाष देसाई आणि कॉंग्रेसचे प्रदेशाध्यक्ष बाळासाहेब थोरात यांनी केले आहे.

अधिक वाचा-  शेतकऱ्यांना एक लाख कृषी पंप, कृषिपंपांच्या वीज बिलावरील व्याजात सवलत

भाजपकडूनही उमेदवार जाहीर

भाजपनं देखील काही दिवसांपूर्वीच पदवीधर आणि शिक्षक मतदारसंघ निवडणुकीच्या चार उमेदवारांची घोषणा केली. भाजप केंद्रीय समितीकडून नावाची घोषणा करण्यात आली. औरंगाबादमधून शिरीष बोराळकर, पुण्यातून संग्राम देशमुख, नागपुरातून संदीप जोशी  आणि अमरावतीतून नितीन धांडे यांना भाजपने तिकीट दिले आहे. मात्र  या यादीतून कोथरूडच्या माजी आमदार मेधा कुणकर्णी त्यांचा पत्ता कट करण्यात आला. या उमेदवारीची घोषणा दिल्लीवरून करण्यात आली आहे. महाराष्ट्रातील चार, तर उत्तर प्रदेशातील नऊ जागांवर भाजपकडून उमेदवार घोषित करण्यात आलेत.

Mahavikas Aghadi announces Graduate and Teachers Legislative Council constituency list of five official candidates