विधान परिषदेच्या नागपूर स्थानिक स्वराज्य संस्थेच्या मतदारसंघाच्या पोटनिवडणुकीसाठी प्रशासनाने प्रारूप मतदार यादी प्रसिद्ध केली असून त्यामध्ये ८३६ मतदारांची नोंद करण्यात आली आहे. ही यादी जिल्हा परिषद, महानगरपालिका, नगरपालिका तसेच तहसील कार्यालयांसह विविध ठिकाणी उपलब्ध करून देण्यात आली आहे. मतदार यादी अथवा मतदान केंद्रांच्या यादीबाबत कोणत्याही दावे किंवा हरकती असल्यास त्या २८ मेपर्यंत लेखी स्वरूपात सादर करण्याचे आवाहन जिल्हा प्रशासनाने केले आहे.
