- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
मुंबई : दिवसेंदिवस राज्यातील कोरोना रुग्णांची सातत्याने वाढ होत आहे. अनलॉकचा तिसरा टप्पा सुरु होण्याच्या पूर्वसंध्येला सलग दोन दिवस कोरोना रुग्णसंख्या दहा हजारांच्या वर जात आहे. त्यामुळे राज्य सरकारची चिंता वाढली आहे. गुरुवारी राज्यात 11 हजाराहून अधिक रुग्णांची नोंद झाल्यानंतर आज पुन्हा एकदा दहा हजारांच्या वर रुग्णांची नोंद झाली आहे.
राज्यात आज तब्बल 10,320 कोरोना बाधित रुग्णांची नोंद झाली. तर एकूण बाधित रुग्णांची एकूण संख्या 4,22,118 झाली आहे. असे असले तरी आज दिवसभरात 7, 543 रुग्ण कोरोनामुक्त झाले. आज 265 मृत्यूची नोंद झाली असून मृतांचा आकडा 14,994 वर पोहोचला आहे. राज्यात आज रोजी एकूण 1,50,662 ऍक्टिव्ह रुग्ण असून त्यांच्यावर उपचार सुरू आहेत.
आज 7,543 रुग्ण बरे होऊन घरी गेले असून, राज्यात आतापर्यंत 2,56,158 रुग्ण कोरोनामुक्त झाले आहेत. यामुळे राज्यातील रुग्ण बरे होण्याचे प्रमाण 60.68 % एवढे झाले आहे.आज राज्यात एकूण 265 मृत्यूंची नोंद झाली. त्यापैकी ठाणे परिमंडळ 128, पुणे मंडळ 79, नाशिक 11, औरंगाबाद मंडळ 7, कोल्हापूर 16, लातूर मंडळ 13,अकोला मंडळ 8, नागपूर 13 येथील मृत्यूचा समावेश आहे. सध्या राज्यातील मृत्यूदर 3.55 % एवढा आहे.
आजपर्यंत तपासण्यात आलेल्या 21,30,098 नमुन्यांपैकी 4,22,118 ( 19.81 टक्के ) नमुने पॉझिटिव्ह आले आहेत. सध्या राज्यात 99,557 लोक होमक्वारंटाईनमध्ये आहेत तर 39,535 लोक संस्थात्मक क्वारंटाईनमध्ये आहेत.
मुंबईत 1100 नवीन रुग्णांची भर
मुंबईत पुन्हा रुग्णसंख्या हजारच्यावर गेली असून आज 1,100 नवीन कोरोना बाधित रुग्णांची भर पडली. त्यामुळे मुंबईतील एकूण रुग्णसंख्या 1,14,287 झाली आहे. तर आज 53 रुग्णांचा मृत्यू झाला असून मृतांचा आकडा 6,350 वर पोचला आहे. मुंबईत आज एका दिवसात 1,689 रुग्ण बरे होऊन घरी गेले. रुग्ण बरे होण्याचा दर हा 76 टक्के इतका आहे.
---
संपादन : ऋषिराज तायडे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.