मराठा समाजबांधवांनी उद्यापासून हैदराबाद गॅझेटप्रमाणे प्रमाणपत्र मिळवण्यासाठी अर्ज करण्यास सुरुवात करावी, असं आवाहन मनोज जरांगे पाटील यांनी केलं आहे..विद्यानंद बापट यांना पोलिसांनी संरक्षणात निवासस्थानी पोहोचवले आहे. बापट यांच्या घराबाहेर पोलीस अधिकारी आणि कर्मचारी तैनात करण्यात आलेले आहेत. .मनोज जरांगे पाटलांच्या मागण्यांवर चर्चा झाल्यानंतर मंत्री राधाकृष्ण विखे पाटील हे अंतरवाली सराटीमध्ये दाखल झाले आहेत..गेली दोन तास उद्योग मंत्री उदयसामंत आमदार प्रसाद लाड यांच्यासोबत अभ्यासकांची बैठक झाली या बैठकीमध्ये मनोज जरांगे पाटील यांच्या 15 मागण्यासंदर्भातलं सरकारचं म्हणणं काय आहे, हा मुद्दा चर्चिला गेला. आता अभ्यासक मनोज जरांगे यांच्याशी चर्चा करतील. त्यानंतर जरांगे यांची सहमती असेल तर शिष्टमंडळ त्यांना भेटण्यासाठी, उपोषण सोडवण्यासाठी जाणार आहे..संतोष पंडित यांना पुणे न्यायालयाने ५ दिवसांची पोलिस कोठडी दिली असून ते ८ सप्टेंबरपर्यंत पोलिस कोठडीत असतील. कोथरूड पोलिस ठाण्यात संतोष पंडितांवर गुन्हा दाखल असून मंत्री चंद्रकांत पाटील यांच्यावर केलेल्या आक्षेपार्ह विधानाप्रकरणी त्यांना अटक झाली होती..विद्यानंद बापट यांना झालेली मारहाण समर्थनीय नाहीच पण एक दोन चपाटी मारणे म्हणजे हल्ला करणं नसतं, असे हल्ले पुण्यात रोज हजारोंनी होत असतात आणि पोलिस NC नोंदवून घरी सोडतात, अशी प्रतिक्रिया आनंद दवे यांनी दिली आहे..उपमुख्यमंत्री सुनेत्रा पवार बैठकीसाठी पुणे विभागीय आयुक्त कार्यालयात दाखल झाल्या आहेत. हिंजवडीच्या वाहतूक प्रश्नासंदर्भात हिंजवडीतील रहिवासी, पदाधिकारी सुनेत्रा पवारांच्या भेटीसाठी गेले आहेत..उच्च व तंत्रशिक्षण मंत्री चंद्रकांत पाटील यांच्या विरोधात केलेल्या वक्तव्याचा प्रकरणात रिलस्टार संतोष पंडित यांना पुणे पोलिसांनी रात्री अटक केली. स्त्री मनास लज्जा उत्पन्न होईल असे वक्तव्य केल्याप्रकरणी तक्रार अर्ज आला होता त्यानुसार संबंधित कारवाई करण्यात आली आहे. संविधानिक पदावर असलेल्या लोकप्रतिनिधी यांच्याबद्दल काही व्हिडिओ प्रसारित झाले होते त्या अनुषंगे कोथरूड पोलिस ठाण्यात गुन्हा दाखल करण्यात आला आहे. आज आरोपीची पोलिस कोठडी घेण्यात येईल आणि पुढील तपास होईल अशी माहिती सागर कवडे, पोलिस उपआयुक्त यांनी दिली आहे..आगामी सण उत्सवांच्या पार्श्वभूमीवर नंदुरबार पोलिसांनी अंमली पदार्थ तस्करांविरोधात मोठी मोहीम उघडली आहे.शहादा तालुक्यातील सटीपाणी शिवारात स्थानिक गुन्हे शाखेने छापा टाकून भुईमुंगाच्या शेतात लपवून केलेली गांजाची बेकायदेशीर शेती उघडकीस आणली.स्थानिक गुन्हे शाखेचे पोलीस निरीक्षक हेमंत पाटील यांना मिळालेल्या गोपनीय मालनदेवी नाल्याजवळील शेतात ही कारवाई करण्यात आली.पोलिसांनी शेतातून 39 किलो 4 ग्रॅम वजनाची, सुमारे 18 लाख 19 हजार रुपये किमतीची हिरवी गांजाची झाडे जप्त केली.या प्रकरणी संशयित आरोपी ठाणसिंग हुंड्या ऊर्फ दंड्या पावरा याच्याविरुद्ध शहादा पोलिसांत एनडीपीएस कायद्यान्वये गुन्हा दाखल करण्यात आला आहे..बापटांविरोधात तकरींचे पत्र आले, पण गुन्हा दाखल होणार नाही बापटांविरोधात आलेल्या तक्रारींची चौकशी करण्यात आलीय घडलेली घटना अतिशय निंदनीय विद्यानंद बापट यांना मारहाण प्रकरणी असून आरोपीला उद्या कोर्टात हजार करणार - पुणे पोलीस आयुक्त .नागपुरात डॉल्बी, प्लाझमा आणि मल्टीलेयर साऊंड सिस्टिमवर बंदीनागपूर पोलीस आयुक्तालयात डॉल्बी साऊंड सिस्टिमच्या वापरावर प्रतिबंधटॉप, मिड, बेस अशा मल्टीस्पीकर डॉल्बी सिस्टिमवर बंदीप्लाझमा साऊंड आणि प्रेशरमिड साऊंड सिस्टिमचाही वापर करता येणार नाही.या साऊंड सिस्टिमसाठी वापरण्यात येणाऱ्या मॉडिफाईड वाहनांवरही बंदी३ सप्टेंबर रात्री १२ वाजल्यापासून १ नोव्हेंबर रात्री ११.५९ पर्यंत आदेश लागूदहीहंडी, पोळा, तान्हा पोळा, ताजुद्दीन बाबा छब्बीसवी आणि गणेशोत्सवाच्या पार्श्वभूमीवर निर्णय.अचानक आलेल्या पुरामुळे जमिनीवरील वाहतूक मार्ग सहा दिवस बंद राहिल्यानंतर, दुथडी भरून वाहणाऱ्या त्रिशूली नदीवर उभारलेल्या तात्पुरत्या 'झिप-लाइन'मुळे अत्यंत महत्त्वाची दळणवळण व्यवस्था पुन्हा सुरू झाली आहे..गणशोत्सवातील डीजे आणि ढोलताशा वादनाला विरोध करणारे विद्यानंद बापट यांना पुण्यात मारहाण झाल्यानंतर आता हिंदुत्ववादी संघटनांनी बापट यांच्या विरोधात आक्रमक भूमिका घेतली आहे. बापटांवर गुन्हा दाखल करावयासाठी हिंदुत्ववादी संघटनांचे कार्यकर्ते कोथरूड पोलीस स्टेशनमध्ये दाखल झाले आहेत..शिवसेना ठाकरे गटाचे नेते आदित्य ठाकरे यांनी नाशिकमध्ये आंदोलन करणाऱ्या आदिवासी विद्यार्थ्यांची भेट घेत तब्येतीची विचारपूस केली..राम मंदिर ट्रस्टचे नवनियुक्त मुख्य कार्यकारी अधिकारी एअर मार्शल (निवृत्त) जितेंद्र मिश्रा अयोध्येत दाखल झाले आहेत. ते म्हणाले की, "ही नवीन जबाबदारी स्वीकारल्यानंतरची माझी अयोध्येतील ही पहिलीच भेट आहे. मला आधी पदभार स्वीकारू द्या, त्यानंतर मी पुढील योजनांची माहिती देईन. मी निवड समिती आणि ट्रस्टचे आभार मानू इच्छितो. हे सर्व प्रभू रामाच्या कृपेनेच घडले आहे, त्यामुळे मला यापेक्षा अधिक काही बोलायचे नाही. माझे मन कृतज्ञतेने भरून आले आहे आणि मी स्वतःला अत्यंत भाग्यवान समजतो की मला माझ्या आयुष्यात दोनदा अशी जबाबदारी मिळाली आहे - एकदा देशाच्या सेवेसाठी आणि आता राम मंदिर, त्याचे भक्त व मंदिराच्या प्रशासनाच्या सेवेसाठी.".गणेश उत्सवात डीजे वादनाच्या विरोधात भूमिका घेणाऱ्या विद्यानंद बापट यांना टिळक रोडवरील कशाळे चौकात बेदम मारहाण झाल्यानंत सोशल मीडियावर तीव्र प्रतिक्रिया उमटल्या आहे. अनेक पुणेकरांनी या मारहाणीचा निषेध केला आहे..गणेश उत्सवात डीजे वादनाच्या विरोधात भूमिका घेणाऱ्या विद्यानंद बापट यांना टिळक रोडवरील कशाळे चौकात बेदम मारहाण..कल्याणीनगर पोर्शे कार अपघातानंतर अल्पवयीनांकडून होणारे गुन्हे रोखण्यासाठी कायद्यात आवश्यक बदल करणे गरजेचे आहे. १६ वर्षांवरील मुलांकडून गंभीर स्वरूपाचे गुन्हे घडल्यास त्यांच्या गुन्ह्याचे गांभीर्य लक्षात घेऊन कठोर कारवाईची तरतूद असावी, अशी मागणी अनिश अवधिया यांचे वडील ओम् अवधिया यांनी केली. १९ मे २०२४ रोजी कल्याणीनगर येथे झालेल्या पोर्शे कार अपघातात अनिश अवधिया आणि अश्विनी कोस्टा यांचा मृत्यू झाला होता..पुणे जिल्हाधिकारी कार्यालय समोर महिलाचे आंदोलन...वाढती महागाई, जीवनावश्यक वस्तूंच्या वाढत्या किमती आणि सर्वसामान्य नागरिकांवर पडणाऱ्या आर्थिक बोजाविरोधात महिला व युवती संघटनेच्या वतीने ‘थाळीनाद’ आंदोलन...या आंदोलनाच्या माध्यमातून केंद्र व राज्य सरकारचे लक्ष सर्वसामान्य नागरिकांच्या प्रश्नांकडे वेधून, महागाईवर ठोस उपाययोजना करण्याची मागणी .ईडीने कोलकातामधील ११ ठिकाणी छापे टाकले आहेत; झारखंडशी संबंधित एका वीज प्रकल्पाच्या प्रकरणात ही कारवाई करण्यात आली आहे.'कोहिनूर पॉवर प्रायव्हेट लिमिटेड'ने झारखंडमधील ६६ मेगावॅट क्षमतेच्या वीज प्रकल्पासाठी बँकांकडून २९० कोटी रुपयांचे कर्ज घेतले होते. ही रक्कम समूहातील इतर कंपन्यांकडे वळवण्यात आली..काँग्रेसचे ज्येष्ठ नेते नाना पटोले म्हणाले की, "ही भाजप आणि आरएसएसची एक सुनियोजित चाल आहे. आता हे स्पष्ट झाले आहे की, राम मंदिर हे प्रभू रामांवरील श्रद्धेपोटी नाही, तर शोषणासाठी उभारण्यात आले आहे. मंदिराच्या व्यवस्थापनाची जबाबदारी साधू-संतांकडे का सोपवली जात नाही? आरएसएस आणि भाजपमधील लोकांवर ही जबाबदारी का सोपवली जात आहे?" असा सवालही त्यांनी यावेळी केला..पोलिसांनी दिलेल्या माहितीनुसार, आज सकाळी बाह्य दिल्लीतील नरेला भागात दुचाकीवरून आलेल्या अज्ञात हल्लेखोरांनी एका प्रॉपर्टी डीलरची गोळ्या झाडून हत्या केली. ही घटना सकाळी सव्वासातच्या सुमारास घडली; त्यावेळी प्रमोद नावाचे संबंधित व्यक्ती आपल्या शेजाऱ्यासोबत एका व्यायामशाळेबाहेर चालत होते. प्राथमिक माहितीनुसार, मोटारसायकलवरून आलेल्या दोन हल्लेखोरांनी प्रमोद यांच्यावर गोळ्या झाडल्या..हिंजवडी आयटी पार्कसह लगतच्या माण आणि मारुंजी परिसरात सातत्याने होणारी वाहतूक कोंडीवर काढणार तोडगा, रस्त्यांचे रखडलेले भूसंपादन आणि पायाभूत सुविधांची वानवा यावर तोडगा काढण्यासाठी बैठक होणार आहे. ही बैठक आज दुपारी 3 वाजता व्हीव्हीआयपी विश्रामगृह येथे होणार आहे. .तेलंगणातील मेद्चल-मलकजगिरी जिल्ह्यातील बोलाराम पोलीस ठाण्याच्या हद्दीतील एका खाजगी प्रकल्पाच्या ठिकाणी ८ बंडल्समध्ये १६० इलेक्ट्रिक डेटोनेटर्स आढळून आले आहेत. बोलाराम पोलीस सध्या या प्रकरणाचा तपास करत आहेत. ग्रॅनाइट फोडण्यासाठी जमीन विकासकांनी (लँड डेव्हलपर्स) या डेटोनेटर्सचा वापर केला असावा, असा पोलिसांना संशय आहे.मनोज जरांगे हे कुणबी प्रमाणपत्राच्या मागणीसाठी ठाम असून त्यांच्या समर्थनासाठी मराठा समाजाकडून आज परभणी, धाराशिवमध्ये बंदची हाक देण्यात आली आहे..नेपाळ-तिबेट सीमेवर आलेल्या विनाशकारी पूर आणि दरडी कोसळण्याच्या घटनांनंतर ४,००० हून अधिक लोक बेपत्ता आहेत; प्रशासनासह सुरक्षा दले आणि चिंतेत असलेले त्यांचे कुटुंबीय ढिगाऱ्याखाली त्यांचा शोध घेण्यासाठी सतत प्रयत्न करत आहेत. नेपाळमध्ये अलीकडेच आलेल्या विनाशकारी आणि अचानक आलेल्या पुरामुळे देशभर हाहाकार उडाला असून, यात आतापर्यंत १,२०० हून अधिक लोकांचा बळी गेला आहे.. गोकुळच्या कच्च्या मतदार यादीवरील हरकतींच्या निकालानंतर संस्थांनी आज मुंबई उच्च न्यायालयाच्या सर्किट बेंचमध्ये धाव घेतली आहे. यामध्ये संस्थांच्या वतीने ९४ अवसायनातील संस्थांबाबतची बाजू मांडण्यात आली. उर्वरित सुनावणी गुरुवारी (ता.३) होणार आहे..जागतिक स्तरावरील व्यत्यय आणि प्रतिकूल परिस्थिती असूनही, भारताने २०२६-२७ या आर्थिक वर्षाच्या पहिल्या तिमाहीत ७.८ टक्क्यांची "उल्लेखनीय वाढ" नोंदवली आहे आणि जगातील सर्वात वेगाने वाढणारी प्रमुख अर्थव्यवस्था म्हणून आपले स्थान कायम राखले आहे, असे अर्थमंत्री निर्मला सीतारामन यांनी सांगितले..एक नोव्हेंबर २००५ पूर्वी सेवेत नियुक्त होऊन त्यानंतर १०० टक्के अनुदानावर आलेल्या शिक्षक व शिक्षकेतर कर्मचाऱ्यांना जुनी पेन्शन योजना लागू करावी, या मागणीसाठी महाराष्ट्र राज्य जुनी पेन्शन समन्वय समितीने आंदोलनाची घोषणा केली आहे. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
