वारकऱ्यांसोबत पोलिसांची निर्भया पथके! वारीमुळे ‘हे’ मार्ग वाहतुकीसाठी १० दिवस राहणार बंद

पंढरीच्या पांडुरंगाची १० जुलैला आषाढी वारी आहे. त्यासाठी तब्बल १८ ते २० लाख वारकरी येतील, असा पोलिसांचा अंदाज आहे. ४-५ जुलैला संत ज्ञानेश्वर व संत तुकारामांची पालखी सोलापूर जिल्ह्यात आगमन करणार आहे. त्यावेळी प्रत्येक पालखीसोबत महिला पोलिसांचे निर्भया पथक असेल.
Aashadhi Pandharpur Wari
Aashadhi Pandharpur Wari eSakal

सोलापूर : पंढरीच्या पांडुरंगाची १० जुलैला आषाढी वारी आहे. त्यासाठी तब्बल १८ ते २० लाख वारकरी येतील, असा पोलिसांचा अंदाज आहे. ४-५ जुलैला संत ज्ञानेश्वर व संत तुकारामांची पालखी सोलापूर जिल्ह्यात आगमन करणार आहे. त्यावेळी प्रत्येक पालखीसोबत महिला पोलिसांचे निर्भया पथक असेल. प्रत्येक विसाव्याच्या ठिकाणी पोलिस मदत केंद्र असेल, अशी माहिती पोलिस अधीक्षक तेजस्वी सातपुते यांनी दिली.

Aashadhi Pandharpur Wari
पोलिस भरतीसाठी पहिल्यांदा मैदानीच! मैदानी ५० तर लेखी १०० गुणांची परीक्षा

संत ज्ञानेश्वरांची पालखी ४ जुलैला सोलापूर जिल्ह्यात आगमन केल्यानंतर पहिला मुक्काम नातेपुते येथे असेल. ५ जुलैला माळशिरस, ६ जुलैला वेळापूर, ७ जुलैला भंडीशेगाव, ८ जुलैला वाखरी आणि ९ जुलैला पंढरपूर येथे पालखी मुक्कामी असणार आहे. दुसरीकडे संत तुकाराम महाराजांच्या पालखीचा पहिला मुक्काम (५ जुलै) येथे असेल. त्यानंतर बोरगाव, पिराची कुरोली, वाखरी आणि पंढरपूर असा पालखीचा मुक्काम राहील. पालखी ज्या ठिकाणी मुक्कामी थांबेल, त्या ठिकाणी वारकऱ्यांसाठी पिण्याच्या पाण्याची व शौचालयांची सोय केली जाणार आहे. त्याच ठिकाणी वारकऱ्यांच्या मदतीसाठी पोलिस केंद्र असणार आहेत. वारकऱ्यांनी रस्त्याच्या डाव्या बाजूने चालावे, स्टॉलधारकही त्याच बाजूला असतील, असेही ग्रामीण पोलिसांनी स्पष्ट केले आहे. वारकऱ्यांना काही अडचण आल्यास त्यांनी ११२ या टोल फ्री क्रमांकावर कॉल करून मदत मागावी, असे आवाहनही पोलिस अधीक्षक सातपुते यांनी केले आहे.

Aashadhi Pandharpur Wari
Maharashtra Politics LIVE: शिवसैनिकांनो, मविआचा खेळ ओळखा...; शिंदेंचं आवाहन
  • फलटण, पुणे, सोलापूर-पंढरपूर मार्ग

  • दहा दिवस वाहतुकीसाठी राहणार बंद

आषाढी वारीच्या निमित्ताने मानाच्या पालख्या सोलापूर जिल्ह्यात प्रवेश करून पंढरीच्या दिशेने प्रस्थान करतील. त्याअनुषंगाने १ जुलैच्या रात्री ११ पासून १० जुलैच्या रात्री आठपर्यंत वाहतूक मार्गात मोठा बदल करण्यात आला आहे. फलटण- नातेपुते- माळशिरस- वेळापूरमार्गे येणारी वाहतूक पूर्णत: बंद राहणार आहे. त्या वाहनांसाठी पुणे- बारामती- इंदापूर- टेंभुर्णी- पंढरपूर हा मार्ग उपलब्ध असेल. तसेच पंढरपूर- वेळापूर- माळशिरस- नातेपुते- फलटण- पुणे हा मार्ग बंद राहणार असल्याने या मार्गावरील वाहनांसाठी पंढरपूर-टेंभुर्णी- पुणे हा मार्ग उपलब्ध असेल. इंदापूर- अकलूज आणि सोलापूर- पंढरपूर हे मार्गही बंद राहणार आहेत.

Aashadhi Pandharpur Wari
शिवसेनेच्या बंडखोर ३७ आमदारांची गोची! आता उरले ‘हे’च तीन पर्याय

कोरोनाच्या दोन वर्षांच्या संकटानंतर यंदाची आषाढी वारी मोठ्या उत्साहात साजरी होत आहे. १८ लाखांपर्यंत भाविक पंढरीत दाखल होतील, असा अंदाज आहे. प्रत्येकाने कोरोनाचे नियम पाळावेत. वारकऱ्यांच्या मदतीसाठी ग्रामीण पोलिस असतील.

- तेजस्वी सातपुते, पोलिस अधीक्षक, सोलापूर ग्रामीण

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com