राज्य शासनावर सदाभाऊ खोत यांचा निशाणा; म्हणाले, ग्लास भरून ठेवायचा अन् क्लास बंद करायचा l Sadabhau Khot | Sakal
sakal

बोलून बातमी शोधा

Sadabhau Khot,Uddhav Thackeray

राज्य शासनावर सदाभाऊ खोत यांचा निशाणा; म्हणाले,ग्लास भरून ठेवायचा...

सांगली: दारू वरील कर कमी करून ग्लास सुरू ठेवायचा आणि क्लास बंद करायचा असे धोरण राज्य सरकारचे आहे. एका पिढीशी, त्याच्या जीवाशी हे सरकार खेळत आहे अशी टिका ठाकरे सरकारवर (Uddhav Thackeray) सदाभाऊ खोत यांनी केली. इस्लामपूरमध्ये माध्यमांशी त्यांनी आज (ता.९) संवाद साधला. राज्यात कोरोनाची वाढती संख्या लक्षात घेता राज्य सरकारने काल नियमावली जाहीर केली. यामध्ये शाळा, काॅलेज आॅनलाईन करावे असा निर्णय घेण्यात आला. या निर्णयावर रयत क्रांती संघटनेचे प्रमुख सदाभाऊ खोत (Sadabhau Khot) यांनी निशाना साधला आहे.

हेही वाचा: कुरघोड्या करणाऱ्यांना सडेतोड उत्तर देणार; संजय पाटलांचा इशारा

ते म्हणाले, राज्य सरकार दारू वरील कर कमी करायला तत्परता दाखवत आहे. दारूची दुकान सुरू ठेवत आहेत आणि शाळा मात्र बंद करत आहेत. ग्लास सुरू ठेवायचा आणि क्लास बंद करायचा असे धोरण या राज्यात या सरकार कडून अवलंबले जात आहे. यातून शिकणारी नवी पिढी आणि त्यांचे शैक्षणिक प्रचंड नुकसान हे सरकार करीत आहे.

कोरोनाच्या या महामारीत महाराष्ट्रामध्ये मुलाचे शैक्षणिक नुकसान मोठ्या प्रमाणात झाले आहे. राज्य सरकारने खबरदारी आणि नियमावली घालून राज्यातील शाळा कशा चालू राहतील याकडे लक्ष देणे गरजेचे होते. ऑनलाईन पद्धतीच्या शिक्षणाने विध्यार्थीच्यामध्ये मोठा खंड पडला आहे. एक पिढी या राज्यांमध्ये शिक्षणापासून वंचित राहते की काय अशी भिती निर्माण झाली आहे.

राज्य सरकारने मुलांचे लसीकरण करून कोरोनाला कसे रोखता येईल हे पाहून शाळा चालू कराव्यात,अशी मागणाही सदाभाऊंनी केली आहे. एकंदरीत त्यांच्या या कारभारात या सरकारला सर्व समाजाला दुभळ करायचे आहे.असेही खोत म्हणाले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top