सकाळ-चित्रकला स्पर्धेस उत्स्फूर्त प्रतिसाद

शालेय मुलांबरोबरच महाविद्यालयीन, दिव्यांग विद्यार्थी आणि पालकांची नोंदणी
पुणे - कोरोनाच्या पार्श्वभूमीवर सर्व शाळा ऑनलाइन सुरू आहेत. त्यामुळे ‘सकाळ माध्यम समूहाद्वारे’ घेण्यात येणारी ‘सकाळ-चित्रकला स्पर्धा २०२०’ ही देखील विद्यार्थ्यांच्या सुरक्षिततेसाठी ऑनलाइन घेण्यात येत आहे. यावर्षी ही स्पर्धा शालेय, महाविद्यालयीन, दिव्यांग विद्यार्थी आणि पालक व आजी-आजोबांसाठी खुली आहे. राज्यभरातून या स्पर्धेसाठी उत्स्फूर्त प्रतिसाद मिळत आहे.

या स्पर्धेत सहभागासाठी वयाचे कोणतेही बंधन नाही. ही स्पर्धा प्राथमिक, माध्यमिक, उच्च-माध्यमिक व विविध विद्या शाखांच्या महाविद्यालयीन युवक-युवतींसाठी तसेच पालकांसाठी व आजी-आजोबांसाठी खुली असेल. स्पर्धेसाठी कोणतेही प्रवेश शुल्क नाही.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

स्पर्धेचे स्वरूप व ऑनलाइन स्पर्धेचे नियम
1) ही स्पर्धा एकूण चार गटात घेण्यात आहे. 
अ - गट (पहिली ते चौथी) 
ब - गट (पाचवी ते सातवी) 
क - गट (आठवी ते बारावी) 
आणि ड - गट 
(बारावी नंतरचे सर्व व पालक, आजी-आजोबा)

2) सर्व विद्यार्थ्यांनी, पालकांनी व आजी-आजोबांनी ‘सकाळ-चित्रकला २०२०’ स्पर्धेत भाग घेण्यासाठी https://chitrakala.esakal.com/index.php या वेबसाइटवर जाऊन रजिस्ट्रेशन करणे आवश्‍यक आहे.

3) गटाप्रमाणे स्पर्धेच्या विषयांची माहिती वेबसाइटवर मिळेल. रजिस्ट्रेशन केल्यानंतर ए३ आकाराच्या चित्रकलेच्या कागदावर चित्र काढून व चित्र पूर्ण रंगवून, चित्राच्यावरील बाजूस (उजवीकडे ) आपले पूर्ण नाव, गट, इयत्ता, पत्ता (तालुका, जिल्हा) व मोबाईल नंबर इत्यादी माहिती लिहिणे आवश्‍यक आहे. तसेच पालक आजी-आजोबा असतील तर त्यांनी वयाचा उल्लेख करणे आवश्‍यक आहे.

4) चित्र काढून झाल्यानंतर चित्राचा फोटो काढून किंवा चित्र स्कॅन करून (४ एमबी साइझपर्यंत) वरील वेबसाइटवर अपलोड करावे. स्पर्धेचा कालावधी १ जानेवारी ते ३१ जानेवारी २०२१ पर्यंत राहील.

स्पर्धेविषयी व ऑनलाइन नोंदणी, ऑनलाइन चित्र अपलोड करणे इत्यादी बाबींविषयी काही अडचण असल्यास खालील मोबाईल क्रमांकावर संपर्क साधावा : ९९२२४१९१५०/८६०५०१७३६६ 

‘थर्टी फर्स्ट’ रात्री पावणेअकरापर्यंतच; पुणे महापालिकेने काढले आदेश

गरजू, दिव्यांग विद्यार्थ्यांना संधी
राज्यभरातील प्रमुख शहरातील आश्रम शाळांमधील गरजू व विशेष आणि दिव्यांग विद्यार्थी यांच्यासाठी स्पर्धा ऑनलाइन न घेता, त्यांना स्पर्धेसाठी लागणारे साहित्य कागद, रंगसाहित्य व प्रश्‍नपत्रिका प्रमुख शहरांमधील (पुणे, पिंपरी-चिंचवड, सातारा, कोल्हापूर, नगर, औरंगाबाद, मुंबई, नाशिक, नागपूर व गोवा) दैनिक ‘सकाळ’च्या कार्यालयात उपलब्ध करून देण्यात येईल. स्पर्धेचे विषय व वयोगट सारखेच राहतील. प्रमुख शहरातील आश्रम शाळांमधील गरजू विद्यार्थी व विशेष आणि दिव्यांग विद्यार्थी व विशेष शाळांनी स्पर्धेसाठी खालील व्हाट्‌सअप नंबरवर नोंदणी करावी. ९९२२४१९१५० /
९९२२९१३४७३ / ८६०५०१७३६६

पुणेकरांनो, 'थर्टी फर्स्ट'ला बाहेर पडताय? जाणून घ्या वाहतुकीतील बदल

आर्थिक मदतीचे आवाहन
पाच हजार रुपयांची आर्थिक मदत देऊन एका गरजू किंवा दिव्यांग विद्यार्थ्याला ‘सकाळ-चित्रकला स्पर्धा २०२०’मध्ये सहभागी होण्यासाठी प्रोत्साहन द्या. या उपक्रमासाठी समाजातील दानशूर व्यक्ती, स्वयंसेवी संस्था, खासगी कंपनी, आस्थापना व सीएसआर कंपन्या यांना ‘सकाळ सोशल फाउंडेशन’च्या वतीने आर्थिक मदत करण्याचे आवाहन करण्यात येत आहे. ‘सकाळ सोशल फाउंडेशन’ संस्थेला दिलेली आर्थिक मदत ही प्राप्तिकर कायद्याच्या ८०-जी कलमानुसार सवलतीस पात्र आहे.

खळबळजनक! राष्ट्रवादीच्या नगरसेवकच्या हत्येचा कट; येरवड्यात शिक्षा भोगणाऱ्या गुंडाने घेतली सुपारी!

पालकांना, आजी-आजोबांना सुवर्णसंधी
‘सकाळ’ चित्रकला स्पर्धेचे हे ३५वे वर्ष साजरे करत आहे. 
तीन पिढ्यांना जोडलेली ही एकमेव स्पर्धा आहे. या स्पर्धेत १९८५ पासून भाग घेतलेल्या पण आता पालक किंवा आजी-आजोबा झालेल्यांसाठीही यंदाची ‘सकाळ-चित्रकला स्पर्धा’ सुवर्णसंधी आहे. या ऑनलाइन स्पर्धेत पालक व आजी-आजोबांना देखील सहभागी होऊ शकतात. 
यानिमित्ताने पालकांना व आजी-आजोबांना स्वतः भाग घेतलेल्या ‘सकाळ-चित्रकला’ स्पर्धेचे त्यांचे अनुभव chitrakala@esakal.com या ईमेल आयडीवर 
पाठवता येतील. निवडक अनुभवांना वेबसाइटवर प्रसिद्धी देण्यात येईल. तसेच पाच हजार रुपयांची आर्थिक मदत देऊन एका गरजू किंवा दिव्यांग विद्यार्थ्याला ‘सकाळ-चित्रकला स्पर्धा २०२०’ मध्ये सहभागी होण्यासाठी प्रोत्साहन देऊ शकता.

Edited By - Prashant Patil