अखेर १६ दिवसांनी देशपांडे, धुरी पोहचले शिवतीर्थवर; राज ठाकरेंची घेतली भेट

गुरुवारी सत्र न्यायालयाने काही अटी-शर्थींसह अटकपूर्व जामीन मंजूर केला आहे.
politics
politicsgoogle

मागील काही दिवसांपासून गायब असणारे मनसे नेते संदीप देशपांडे आणि संतोष धुरी यांनी आज अखेर मनसेप्रमुख राज ठाकरे यांची भेट घेतली आहे. मनसेच्या या दोन नेत्यांना गुरुवारी सत्र न्यायालयाने काही अटी-शर्थींसह अटकपूर्व जामीन मंजूर केला आहे. न्यायालयाकडून दिलासा मिळाल्यानंतर आज सकाळी संदीप देशपांडे आणि संतोष धुरी यांनी 'शिवतीर्थ' येथे दाखल होतं राज ठाकरे यांची भेट घेत चर्चा केल्याची माहिती मिळत आहे. (MNS Latest News)

मनसेच्या आंदोलनादरम्यान, शिवाजी पार्क पोलिसांनी या दोन्ही नेत्यांवर गुन्हा दाखल केला होता. त्यानंतर संदीप देशपांडे आणि संतोष धुरी गेल्या अनेक दिवसांपासून गायब होते. पोलिसांनी त्यांना अटक करण्यासाठी पथकही तयार केले होते. मात्र ते पोलिसांच्या हाती लागत नव्हते. या दोघांनीही अटकपूर्व जामिनासाठी न्यायालयात धाव घेतली होती. अखेर काल या दोघांनाही अटकपूर्व जामीन मंजूर करण्यात आला आणि त्यांच्या डोक्यावरील अटकेची टांगती तलवार दूर झाली.

politics
कॉंग्रेसकडून राज्यसभेसाठी प्रकाश आंबेडकरांचे नावं? वंचितने स्पष्ट केली भूमिका

'राज ठाकरे यांच्या शिवतीर्थ या निवासस्थानाबाहेर पोलिसांकडून धरपकड होण्याची शक्यता लक्षात घेऊन देशपांडे व धुरी यांनी आपल्या वाहनात बसून पलायन केले. वाहनचालकाने वाहन अचानक पळवल्याने धक्का लागून एक महिला पोलिस खाली पडली आणि जखमी झाली. देशपांडे, धुरी व त्यांच्या सहकाऱ्यांनी हेतूत: हे कृत्य केले', असा आरोप पोलिसांनी केला होता.

देशपांडे यांना पलायन करण्यास मदत केल्याबद्दल त्यांचे वाहनचालक रोहित वैश्य तसेच, शाखा अध्यक्ष संतोष साळी यांना पोलिसांनी अटकही केली होती. या दोघांनी जामीन मिळण्यासाठी अर्ज केले होते, तर देशपांडे व धुरी यांनी अटकपूर्व जामीन मिळण्यासाठी अर्ज केले होते. त्याविषयीच्या सुनावणीअंती न्यायालयाने त्यांचे अर्ज मंजूर केले.

politics
राऊतांकडून बृजभूषण सिंहांचे कौतुक म्हणाले, लढवय्या माणूस..

दरम्यान, शिवाजी पार्क पोलिसांनी या प्रकरणी देशपांडे यांच्यासह अन्य आरोपींविरोधात भादंविच्या कलम ३५३ (सरकारी कर्मचाऱ्याला कर्तव्य करण्यापासून बलपूर्वक रोखणे), २७९ (उतावीळपणे वाहन चालवणे) व ३३६ (दुसऱ्याच्या जिवाला धोका निर्माण करणे) अन्वये एफआयआर दाखल केला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com