"आणखी किती जलील होणार..."; रुपाली ठोंबरेंचा निशाणा | Sakal
sakal

बोलून बातमी शोधा

Imtiyaz Jaleel - Rupali Thombare
"आणखी किती जलील होणार..."; रुपाली ठोंबरेंचा निशाणा

"आणखी किती जलील होणार..."; रुपाली ठोंबरेंचा निशाणा

राज्यातील सर्व दुकानांवरील नाम फलक मराठीत करण्याचा निर्णय राज्य सरकारने घेतला आहे. त्यानंतर ऑल इंडिया मजलीस ए इत्तेहाद्दूल मुस्लमिनचे (MIM) खासदार इम्तियाज जलील (Imtiaz Jaleel) यांनी या मुद्यावरून राज्यातील महाविकास आघाडी सरकारवर त्यांनी टीका केली होती. त्यावर आता नुकत्याच शिवसेनेत प्रवेश केलेल्या पुण्यातील रुपाली ठोंबरे यांनीही इम्तियाज जलील यांच्यावर सडकून टीका केली आहे. जलील यांना मराठी पाट्यांची काय ऍलर्जी आहे ? असा सवाल उपस्थित करत त्यांनी तिखट शब्दांत टीके केली आहे.

हेही वाचा: मंत्र्यांच्या निवासस्थानांचे नामकरण; आदित्य ठाकरेंच्या बंगल्याला 'रायगड' नाव

जेव्हा-जेव्हा निवडणुकाजवळ येतात तेव्हा तुम्ही मराठी बोर्ड, कर्नाटक सीमा विवाद, मराठी अस्मिता हे मुद्दे काढता, ही नौटंकी असल्याचं न समजायला लोक मुर्ख नाहीत. मराठी पाट्या लावून मराठी तरुणांना नोकऱ्या मिळणार का? हा एक मिलियन डाॅलरचा प्रश्न आहे, अशी खोचक टीका जलील यांनी महाविकास आघाडी सरकारवर केली आहे. त्याला उत्तर देताना रुपाली पाटील ठोंबरे म्हणाल्या की, "महाराष्ट्रात दुकानावर मराठी पाट्याची इम्तियाज जलील यांना काय ऍलर्जी आहे? माय मराठीला विरोध करून आणखी किती जलील होणार ?"

हेही वाचा: याला बेईमानी म्हणतात; मराठी पाट्यांवरून जलील यांच्या टीकेला राऊतांचे उत्तर

एमआयएमचे प्रदेशाध्यक्ष इम्तियाज जलील (Imtiaz Jaleel) यांनी सरकारच्या या निर्णयावर टीका करत काही प्रश्न उपस्थित केले होते. त्याला उत्तर देताना संजय राऊत म्हणाले की, आपण ज्या राज्यात राहतो, ज्या मातीमध्ये खातो तिचे ऋण फेडण्याची ही वेळ आहे. इम्तियाज जलील असो किंवा व्यापारी असो त्यांनी अशी वक्तव्य करणं म्हणजे बेईमानी असल्याचं देखील ते म्हणाले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top