देव करो तुम्हाला पुढचं बोधचिन्ह 'खंजीर' मिळो; मुनगंटीवारांचे ठाकरेंना चिमटे | Sakal
sakal

बोलून बातमी शोधा

Mungantiwar Uddhav Thackeray

देव करो तुम्हाला पुढचं बोधचिन्ह 'खंजीर' मिळो; मुनगंटीवारांचे ठाकरेंना चिमटे

Sudhir Mungantiwar on Uddhav Thackeray : राज्यातील राजकीय बंडानंतर उद्धव ठाकरेंना मुख्यमंत्री पदाचा राजीनामा द्यावा लागला. त्यानंतर उद्धव ठाकरे यांच्यासह अनेक शिवसेनेच्या नेत्यांनी बंडखोरी करणाऱ्यांवर जोरदार टीका केली. यावेळी उद्धव ठाकरे आणि आदित्य ठाकरे यांनी प्रत्येक टिकेदरम्यान पाठीत खंजीर खूपसल्याचे म्हटले. या दोघांच्याही या शब्दावरून भाजप नेते सुधीर मुनगंटीवार यांनी उद्धव ठाकरेंना मिश्किल चिमटा काढत देव करो तुम्हाला पुढचं बोधचिन्ह खंजिरच मिळो अशी इच्छा व्यक्त केली आहे.

हेही वाचा: आमच्या पुणेकरांना कोणी पालकमंत्री देता का? पुण्यात NCP चे आंदोलन

मुनगंटीवर म्हणाले की, महाराष्ट्र तोडणार हे वाक्य खूप जुने झाले असून, अशा प्रकरची वाक्यं केवळ आणि केवळ सहानुभूती घेण्यासाठी बोलली जात आहेत. मुंबई तोडण्याचे महापाप तर काँग्रेसचेच असून, तुम्ही अजुनही काँग्रेसच्या मांडीवर असल्याचा हल्लाबोल त्यांनी केला. उद्धव ठाकरेंच्या मुलाखतीबाबत ते म्हणाले की, ही मुलाखत पारिवारिक होती. तसेच हा एका हताश झालेल्या माजी मुख्यमंत्र्यांकडून जनतेची सहानुभूती मिळविण्यासाठी केलेला असफल प्रयत्न आहे.

हेही वाचा: Money Laundering : जम्मू-काश्मीरचे माजी मुख्यमंत्री फारुख अब्दुल्लांविरोधात आरोपपत्र दाखल

फिस्क मॅच मी बघत नाही - फडणवीस

उद्धव ठाकरेंच्या मुलाखतीबाबत राज्याचे उपमुख्यमंत्री देवेंद्र फडणवीस यांनी प्रतिक्रिया देणं टाळलं. ते म्हणाले की, "फिक्स मॅच मी बघत नाही. मी लाईव्ह मॅच बघत असतो. जेव्हा पुढे काही होईल तेव्हा मी त्यावर प्रतिक्रिया देईन."

हेही वाचा: सर्वोच्च न्यायालयाकडून ठाकरे यांना दिलासा : १ ऑगस्टला सुनावणी

दरम्यान, शिवसेनाप्रमुख उद्धव ठाकरे यांनी आपल्या मुलाखतीत भाजपा तसंच बंडखोर आमदारांवर सडेतोड टीका केली आहे. सडलेला पालापाचोळा आहे, जो आत्ता पडतोय, तो एकदा शांत झाला की सगळं सत्य समोर येईल, असं उद्धव ठाकरे म्हणाले होते. त्यावर भाजपा आमदार आशिष शेलारांनी संतप्त प्रतिक्रिया दिली होती. मुख्यमंत्र्यांना पालापाचोळा म्हणणं हा महाराष्ट्राचा अपमान आहे, अशी टीका शेलार यांनी केली आहे.

Web Title: Sudhir Mungantiwar Slam Uddhav Thackeray On Dagger Word

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..