रोहा : मालकाचा खून करून मृतदेह फेकला दरीत|roha crime update | Sakal
sakal

बोलून बातमी शोधा

murder
रोहा : मालकाचा खून करून मृतदेह फेकला दरीत

रोहा : मालकाचा खून करून मृतदेह फेकला दरीत

sakal_logo
By

रोहा : भंगारविक्री व्यवसाय मालकाकडून हीन वागणूक मिळत असल्याने संतापलेल्या नोकराने मालकाचा रोहा-नागोठणे मार्गावरील भिसे खिंडीत जानेवारी २०२० मध्ये हत्या (owner murder) केली होती. त्यानंतर त्याने मृतदेह दरीत फेकून (deadbody in valley) दोन वर्षे फरार होता. अखेर या आरोपीच्या रोहा पोलिसांनी (roha police arrested culprit) मुसक्या आवळल्या आहेत. विकास महादेव चव्हाण (वय २५, रा. परांडा जि. उस्मानाबाद) असे आरोपीचे नाव असून तो अमित सिंग या भंगार विक्री व्यावसायिकाकडे नोकरी करत होता. सिंग यांच्याकडून सतत हीन वागणूक मिळत असल्याने विकासच्या मनात राग निर्माण झाला होता.(roha police arrested fugitive culprit in murder crime)

हेही वाचा: मुंबई : रविवारी हार्बर मार्गावर मेगाब्लॉक

२८ जानेवारी २०२० रोजी रात्री ८ च्या सुमारास विकास मालक सिंगसोबत रोहा-नागोठणे रोडवरून भिसे खिंडीतून दुचाकीने जात होते. त्या वेळी सिंग लघुशंकेसाठी वाटेत थांबले असताना त्याने डोक्यात दगड मारून ठार मारले. पुरावा नष्ट करण्याचा हेतूने त्‍यांचा मृतदेह भिसे खिंडीच्या दरीत ढकलून आरोपीने तेथून पळ काढला. दोन वर्षांपासून तो फरार होता. रोहा पोलिसांना तो रोह्यात काही कामानिमित्त येणार असल्याची माहिती मिळताच गुरुवारी रात्री सापळा रचून त्याला ताब्यात घेतले.

आरोपी विकासने गुन्ह्याची कबुली दिली. याप्रकरणी रोहा पोलिस ठाण्यात विकासविरोधात सहायक फौजदार दीपक म्हशीलकर यांनी फिर्याद दिली असून गुन्हा दाखल केला आहे. रोहा न्यायालयाने आरोपीला सातदिवसीय पोलिस कोठडी सुनावली आहे. दरम्यान, या घटनेनंतर पोलिस उपविभागीय अधिकारी किरणकुमार सूर्यवंशी यांनी भेट दिली. याप्रकरणी पुढील तपास पोलिस निरीक्षक संजय पाटील करत आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Crime News
loading image
go to top