"पंतप्रधानांनी सांगितलंय 40 गावं त्यांना द्या, POK तील 100 गावं तुम्हाला देऊ"; ठाकरेंचा CM शिंदेंना टोमणा : Thackeray Vs Shinde | Sakal
sakal

बोलून बातमी शोधा

Uddhav Thackeray_Eknath Shinde

"पंतप्रधानांनी सांगितलंय 40 गावं त्यांना द्या, POK तील 100 गावं तुम्हाला देऊ"; ठाकरेंचा CM शिंदेंना टोमणा

मुंबई : राज्यात सध्या महाराष्ट्र-कर्नाटक सीमावादावरुन बराच खल सुरु आहे. महाराष्ट्र सरकारनं नुकत्याचं सीमाभागातील मराठी भाषिकांसाठी शासकीय सेवा-सुविधा जाहीर केल्या. यानंतर कर्नाटकचे मुख्यमंत्री बसवराज बोम्मई यांनी सांगलीच्या जत तालुक्यातील ४० गावं कर्नाटकात सामिल होतील असं त्यांनी म्हटलं होतं. यावर आता माजी मुख्यमंत्री उद्धव ठाकरे यांनी भाष्य केलं आहे. पत्रकार परिषदेत त्यांनी राज्यपाल आणि सीमावादावर भाष्य केलं. (Uddhav Thackeray taunts On CM Eknath Shinde regarding Maharashtra Karnataka border issue)

हेही वाचा: Shradhha murder Case: मोठी अपडेट! वेगवेगळ्या हत्यारांनं श्रद्धाच्या शरिराचे केले तुकडे; अफताबचा खुलासा

बोम्मई यांच्या विधानावरुन त्यांनी भाजपला टार्गेट केलं आहे त्याच बरोबर मुख्यमंत्री एकनाथ शिंदे यांना टोमणाही मारला. उद्धव ठाकरे म्हणाले, "सध्या राज्यातील ईडी सरकारला मुख्यमंत्री आहे की नाही काही कळत नाही. कारण मुख्यमंत्री कधी बोलतच नाही. त्यांना विचारलं तर ते सांगतील की काळजी करु नका मी पंतप्रधानांना सांगितलं आहे, पंतप्रधान म्हणालेत की, त्यांनी ४० गावं घेतली तर घेऊ द्या आपण पाकव्याप्त काश्मीर जिंकल्यानंतर त्यातील १०० गावं महाराष्ट्राला देऊ, असंही ते सांगू शकतील"

हेही वाचा: Bullock Cart race : पुन्हा उडणार धुरळा! बैलगाडा शर्यतींचा मार्ग मोकळा? ॲनिमल वेल्फेअर बोर्ड सकारात्मक

भाजपचे नेते वरिष्ठांच्या मर्जीशिवाय काही बोलत नाहीत, म्हणून बोम्मई जे काही बोललेत ते त्यांच्या वरिष्ठांच्या परवानगीशिवाय बोललेत का? असा सवालही ठाकरेंनी यावेळी केला. भाजपचा महाराष्ट्राच्या अस्मितेवर घाला घालण्याचा प्रयत्न, महाराष्ट्राचे तुकडे पाडण्याचा, महाराष्ट्राचे उद्योगंदे इतरत्र पळवून महाराष्ट्र कंगाल करण्याचा त्यांचा राष्ट्रीय कार्यक्रम आहे का? याचं उत्तर भाजपनं दिलं पाहिजे, असंही उद्धव ठाकरे म्हणाले.

हेही वाचा: मुदत ठेवीच्या मुद्दलातून टीडीएस कपात? इथे करा तक्रार....

महाराष्ट्रातील बडे प्रकल्प नुकतेच गुजरातमध्ये गेल्यानं राज्यात मोठं वादंग उठलं होतं. यावरुन शिंदे-फडणवीस सरकारवर विरोधकांनी सडकून टीका केली. यावेळी पंतप्रधानांनी महाराष्ट्राला या प्रकल्पांपेक्षाही मोठे प्रकल्प देण्याचं आश्वासन दिल्याचं मुख्यमंत्र्यांसह इतर काही मंत्र्यांनी म्हटलं होतं. यावरुनच आता उद्धव ठाकरेंनी मुख्यमंत्री शिंदेंना टोमणा मारला आहे.