काय आहे प्रसिद्ध घागरा बॉय जयनील मेहताची स्टोरी? लोक आधी म्हणायचे 'गे'

सोशल मीडियावर जयनीलच्या व्हिडीओना तुफान पसंती मिळते अन् ते व्हायरल होताना दिसतात.
22-Year-Old Choreographer Jainil Mehta Goes Viral for Dancing in Skirts
22-Year-Old Choreographer Jainil Mehta Goes Viral for Dancing in Skirtsinstagram

सोशल मीडियावर आजकाल प्रत्येकाला डान्स व्हिडीओज(Dance Video) बनवून पोस्ट करायचे असतात आणि प्रसिद्ध व्हायचे असते. पण सर्वांनाच ती प्रसिद्धि मिळते असं नाही. अशीच एक व्यक्ती आहे की ज्याला आपल्या स्वप्नांना पूर्ण करण्यासाठी यूएसला शिफ्ट व्हावं लागलं. आपण बोलत आहोत जयनील मेहता(Jainil Mehta),ज्याची नृत्य ही केवळ आवड नाही तर पॅशन देखील आहे.(22-Year-Old Choreographer Jainil Mehta Goes Viral for Dancing in Skirts)

जयनील २२ वर्षांचा आहे,आणि त्याला घागरा घालणं खूप आवडतं. कोरिओग्राफर असलेल्या जयनीलनं #meninskirts या मोहिमेची सुरुवात केली आहे. ज्यामुळे घागरा पुरुषही घालू शकतील,आणि त्यांना यावरनं टोमणे ऐकावे लागणार नाहीत. लहानपणी जयनील आपल्या आईचा घागरा घालून घरातील खोलीत डान्स करायचा. तो म्हणाला,''गेल्या वर्षी मी एक व्हिडीओ शूट केला होता. ज्यामध्ये मी आणि माझ्या एका फ्रेन्डने घागरा घालून डान्स केला होता. तो व्हिडिओ राधा-कृष्णाच्या गाण्यावर आधारित होता,ज्यामध्ये समानता दाखवली होती कोणताही दुजाभाव नव्हता''. जयनील म्हणतो मला घागरा घालणं खूप आवडतं कारण यामुळे तुमचा डान्स अधिक ग्रेसफूल वाटतो. जयनील घागरा घालत असल्यामुळे त्याला नेहमीच लोकांचे टोमणे ऐकायला लागायचे. कोणी विचारायचं,तू गे आहेस का? कोणी विचारायचं,बायसेक्शुअल आहेस का? पण हळूहळू माझी प्रशंसा देखील लोक करू लागले. लोकांनी माझी आवड पाहिली आणि ते मग माझ्या डान्सला दाद देऊ लागले''.

जयनील पाच वर्षांचा असल्यापासून डान्स करतोय. त्याच्या आजोबांना आणि त्याला 'हम साथ साथ है' सिनेमातील 'मैय्या यशोदा' गाणं खूप आवडतं. लहानपणी जयनील या गाण्यावर खूप डान्स करायचा. आणि इथूनच त्याला डान्स करण्याचं वेड लागलं. डान्स त्याची पॅशन बनलं. तो न्यूयॉर्कमध्ये आपली स्वतःची डान्स अकादमी देखील चालवतो. जयनीलला काही बॉलीवूड स्टार्सनी देखील पाठिंबा दिला आहे. जयनीलची इच्छा आहे, भारतात स्त्री-पुरुष समानतेवर मोहिम राबवण्याची. कारण 'हे काम स्त्रीच करेल,हे पुरुषच' ही भूमिका त्याला पटत नाही.

22-Year-Old Choreographer Jainil Mehta Goes Viral for Dancing in Skirts
KAALI Controversy: लीना मणिमेकलाईच्या अडचणी वाढल्या, दिल्ली कोर्टाचं समन्स

जयनीलने कितीतरी बॉलीवूड गाण्यांवर परफॉर्म केलं आहे. आलियाच्या 'गंगूबाई काठियावाडी' सिनेमातील गाण्यावर डान्स करताना जयनील न्यूयॉर्कच्या रस्त्यांवर दिसला होता. जयनीलचा हा व्हिडीओ खूप व्हायरल झाला होता. लोकांना त्याचा डान्स भलताच पसंत आला होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com