Deepika Padukone Copy: सेम टू सेम! दीपिकाची डुप्लीकेट असण्याचा या मुलीला बसतोय फटका

दीपिका बॉलीवुडच्या चर्चित अभिनेत्रींपैकी एक आहे. तिच्या अभिनयाने अनेकांना ती भुरळ पाडत असते. अनेकांना माहिती नसेल पण दीपिकाचीही सेम टू सेम कॉपी (Duplicate) असणारी एक मुलगी आहे. जिला दीपिकासारखं दिसणं बऱ्याचदा महागात पडतं. होय दीपिकाची कार्बन कॉपी रितुजा घोष ही दीपिकासारखी दिसते. त्यामुळे सोशल मीडियावर अनेकजण तिचा राग करतात तर अनेकजण तिचं कौतुकही करतात. (Rituja Ghosh Deb looks like Deepika padukone)

दीपिकाचा पहिला चित्रपट ओम शांती ओम ज्यावेळी प्रदर्शित झाला त्यावेळी रितुजा शाळेत शिकत होती. तेव्हापासूनच रितुजा दीपिकासारखी दिसते असं तिला म्हटलं जायचं. रितुजाचे फोटो आणि व्हिडिओ जेव्हा सोशल मीडियावर वायरल झाले तेव्हा ती नेटकऱ्यांना हूबेहूब दीपिकाच वाटली. मात्र रितुजाला नेटकऱ्यांकडून याच विषयावरून अनेकदा ट्रोल केल्या जातं. स्वस्त चित्रपटासाठी एकदम बेस्ट, फर्स्ट कॉपी असे म्हणत तिला बऱ्याचदा नेटकरी ट्रोल करतात.

मात्र रितुजा तिला येणाऱ्या निगेटीव्ह कमेंट्सकडे कायम दुर्लक्ष करते आणि तिचं कौतुक करणाऱ्यांचा आदरही करते. रितुजा दीपिकासारखी दिसते असे सगळे म्हणत असले तरी मी दीपिकासारखी नाही, मी वेगळी आहे असे ती म्हणते.