Ajinkya Raut: 'विठु माऊली' आणि 'इंद्रा' नंतर अभिनेता अजिंक्य राऊतचं छोट्या पडद्यावर दमदार कमबॅक

Abol Pritichi Ajab Kahani : 'विठू माऊली' मालिकेतून घराघरात पोहोचलेला विठ्ठल आणि 'मन उडू उडू झालं' या मालिकेतून इंद्रा म्हणून लाखो तरुणींची क्रश झालेला अभिनेता अजिंक्य राऊत, सध्या बराच चर्चेत आहे. केवळ मालिकाच नाही तर, अजिंक्यने 'टकाटक २', 'सरी' असे दर्जेदार चित्रपट करून प्रेक्षकांना भुरळ घातली.

त्यामुळे अजिंक्य राऊतचं प्रचंड फॅन फॉलोइंग आहे. त्याच्या लुकचे, अभिनयाचे अनेक दिवाने आहे. त्यामुळे अजिंक्य राऊत मालिका विश्वात पुन्हा कधी झळकणार याचे सारेच वाट पाहत होते. अखेर तो क्षण आला आहे.

अजिंक्य आता सोनी मराठी वाहिनीवर झळकणार असून, 'अबोल प्रीतीची अजब कहाणी' या मालिकेत तो प्रमुख भूमिकेत दिसणार आहे.

(actor ajinkya raut new serial Abol Pritichi Ajab Kahani on sony marathi)

निरनिराळे विषय आणि रंजक मालिका घेऊन सोनी मराठी वाहिनी नेहमीच प्रेक्षकांच्या भेटीला येत असते. तशीच एक नवी मालिका सोनी मराठी आपल्या प्रेक्षकांसाठी घेऊन येते आहे. 'अबोल प्रीतीची अजब कहाणी' ही मालिका प्रेक्षकांच्या भेटीला येते आहे.

त्याची पहिली झलक नुकतीच पाहायला मिळते आहे. प्रेक्षकांचा लाडका अजिंक्य राऊत या मालिकेतून टेलिव्हिजनवर कमबॅक करतो आहे. त्याच्याबरोबर गुणी अभिनेत्री जान्हवी तांबट हीसुद्धा या मालिकेतून विशिष्ट व्यक्तिरेखा साकारताना पाहायला मिळते आहे. तर आता ही 'अबोल प्रीतीची अजब कहाणी' लपूनछापून कशी फुलतेय हे नक्कीच पाहायला मिळेल.

अभिनेता अजिंक्य राऊत पुन्हा एकदा एका नव्या मालिकेतून प्रेक्षकांच्या भेटीला येत आहे. त्याचे या आधीचे काम प्रेक्षकांना विशेष आवडले. त्याच्या नव्या भूमिकेची त्याचे चाहते मनापासून वाट पाहत होते. अजिंक्य पुन्हा एकदा प्रेक्षकांसमोर एका नव्या भूमिकेतून दिसणार आहे.

मालिकेचा फर्स्ट लूक प्रेक्षकांना विशेष आवडतो आहे कारण मालिकेची नायिका जान्हवी तांबट ही वेगळ्या रूपात दिसते आहे. ती चक्क एका बॉडीगार्डच्या वेशात आपल्याला दिसते आहे, तेही पुरुष बॉडीगार्डच्या वेशात. आता हा बॉडीगार्ड कशा प्रकारे प्रेक्षकांसमोर येईल, हे पाहणे उत्सुकतेचे असेल. ही मालिका १७ जुलैपासून प्रेक्षकांच्या भेटीला येणार आहे.