Aparna Balamurali: राष्ट्रीय पुरस्कार विजेती अभिनेत्रींसोबत गैरवर्तन करणाऱ्या विद्यार्थ्याचे निलंबन

Student Misbehaves With Aparna Balamurali: कन्नड अभिनेत्री अपर्णा बालमुरली हिचा लोकप्रिय अभिनेत्रींमध्ये सामावेश होतो. आपल्या दमदार अभिनयाने तिने लोकांच्या हृदयात घर केलं आहे. सध्या अपर्णा तिच्या मल्याळम चित्रपट 'थंकम'मुळे चर्चेत आहे.

अभिनेत्री तिच्या चित्रपटाचे जोरदार प्रमोशन करत आहे. दरम्यान, अपर्णाचा एक व्हिडिओ सध्या सोशल मीडियावर व्हायरल होत आहे.या व्हिडिओत एक मुलगा तिच्यासोबत असभ्य वर्तन करताना दिसत आहे.

राष्ट्रीय पुरस्कार विजेती अभिनेत्री अपर्णा बालमुरली तिच्या आगामी चित्रपटाच्या प्रमोशनसाठी केरळ एर्नाकुलम लॉ कॉलेजमध्ये होती.

या कार्यक्रमादरम्यान एका विद्यार्थ्याने तिच्यासोबत फोटो क्लिक करण्यास सांगितले आणि त्या व्यक्तीने तिच्या परवानगीशिवाय अभिनेत्रीला स्पर्श करण्याचा प्रयत्न सुरू केला. त्याने अपर्णाच्या खांद्यावर हात ठेवतो आणि तिची पाठ थोपटू लागतो.तो हे एकदा नाही तर दोनदा करतो. ज्यानंतर अभिनेत्री अस्वस्थ होते आणि त्या त्याच्यापासून दूर झाली.

हेही वाचा: प्राप्तिकर उत्पन्न सवलत मर्यादा वाढणार?

घटनेच्या काही तासांनंतर हा व्हिडिओ सोशल मीडियावर व्हायरल होत आहे. या व्हिडिओवर नेटिझन्स नाराजी व्यक्त करत होते. अपर्णाचे चाहते विद्यार्थ्यावर कठोर कारवाईची मागणी करत असताना, एर्नाकुलम लॉ कॉलेज युनियनने आधी अपर्णाची माफी मागितली आणि नंतर विद्यार्थ्याला कॉलेजमधून निलंबित केले.

थँकम चित्रपटाचे दिग्दर्शन साहीद अराफत यांनी केले आहे. या चित्रपटात अपर्णा बालमुरली, विनीत श्रीनिवासन यांच्याशिवाय गिरीश कुलकर्णी आणि बिजू मेनन सारखे स्टार्स दिसणार आहेत. 'Thankum' 26 जानेवारी 2023 रोजी थिएटरमध्ये दाखल होणार आहे.