'तान्हाजी' महाराष्ट्रात टॅक्स-फ्री केल्यानंतर अभिनेता अजय देवगण म्हणाला...

टीम ई-सकाळ
बुधवार, 22 जानेवारी 2020

'तान्हाजी'ने बॉक्स ऑफिसवर अक्षरश: धुरळा उडवला आहे. या चित्रपटाने आतापर्यंत 150 कोटींहून अधिक गल्ला जमा केला असून त्याची 200 कोटींच्या दिशेने घोडदौड सुरू आहे. 

मुंबई : सध्या देशात 'तानाजी : द अनसंग वॉरियर' या चित्रपटाची जोरदार चर्चा सुरू आहे. तानाजी रिलीज झाल्यानंतर दुसऱ्या आठवड्यात महाराष्ट्र राज्य सरकारने हा चित्रपट टॅक्स फ्री करण्याची घोषणा करत चित्रपटप्रेमींना सुखद धक्का दिला.

ताज्या बातम्यांसाठी डाऊनलोड करा ई-सकाळचे ऍप

राज्याचे संस्थापक छत्रपती शिवाजी महाराजांचा आणि त्यांचे शूरवीर सरदार तानाजी मालुसरे यांच्यावर आधारित असणारा तानाजी हा चित्रपट महाराष्ट्रात टॅक्स फ्री व्हावा यासाठी गेल्या काही दिवसांपासून जोरदार मागणी होत होती.

हा चित्रपट 3D मध्ये असल्याने तिकीटांची किंमतही खूप जास्त होती. यासाठी महाराष्ट्र सरकारवर टीकेची झोडही उठवली होती. मात्र, अखेर बुधवारी (ता.22) हा चित्रपट संपूर्ण राज्यात टॅक्स फ्री करण्यात आला. याबाबतचा निर्णय राज्य मंत्रिमंडळाच्या बैठकीत घेण्यात आला. 

- अमृता-जितेंद्रचा 'चोरीचा मामला', पोट धरुन हसवणारा ट्रेलर पाहाच !

हरियाणा, उत्तर प्रदेश या दोन राज्यांमध्ये यापूर्वीच तानाजी टॅक्स फ्री करण्यात आला होता. आता महाराष्ट्रातही टॅक्स फ्री करण्यात आला आहे. त्यानंतर या चित्रपटात तान्हाजींची भूमिका साकारणारा निर्माता, दिग्दर्शक आणि अभिनेता अजय देवगणने ट्विट करत राज्य सरकारचे आभार मानले आहेत. 

तो म्हणाला, 'तान्हाजी : द अनसंग वॉरिअर हा चित्रपट महाराष्ट्रात टॅक्स फ्री केल्याबद्दल मुख्यमंत्री उद्धव ठाकरे यांचे आभार.'

'तानाजी : द अनसंग वॉरियर'मध्ये अभिनेता अजय देवगणने नरवीर तानाजी मालुसरेंची भूमिका साकारली असून त्याची रिअल लाईफमधील पत्नी काजोलने रिल लाईफमध्येही त्याच्या पत्नीचा रोल निभावला आहे. काजोलने तान्हाजींच्या पत्नी सावित्रीबाई यांची भूमिका चांगली वठवली आहे.

- अमिताभ, नागराज, अजय-अतुल घेऊन आलेत 'झुंड'; टीझर पाहाच!

तर मराठमोळा अभिनेता शरद केळकर याने छत्रपती शिवाजी महाराजांची भूमिका साकारली आहे. सैफ अली खानने खलनायक आणि तत्कालिन कोंढण्याचा किल्लेदार उदयभानची साकारलेली भूमिका चर्चेचा विषय ठरत आहे. 

- तान्हाजीचा छोटा रायबा आहे मोठा कलाकार, केले आहेत सुपरहिट सिनेमे

मराठमोळा दिग्दर्शक ओम राऊतने या चित्रपटाच्या दिग्दर्शनाचे शिवधनुष्य आपल्या खांद्यावर पेलत हॉलिवूडला टक्कर देईल, असा भव्यदिव्य चित्रपट साकारला आहे. आणि याद्वारेच बॉलिवूडमध्ये दणदणीत पदार्पणही केलं आहे. 'तान्हाजी'ने बॉक्स ऑफिसवर अक्षरश: धुरळा उडवला आहे. या चित्रपटाने आतापर्यंत 150 कोटींहून अधिक गल्ला जमा केला असून त्याची 200 कोटींच्या दिशेने घोडदौड सुरू आहे. 

नवा चित्रपट : तान्हाजी द अनसंग वॉरिअर


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Ajay Devgn thanks CM Uddhav Thackeray for declaring Tanhaji tax free in Maharashtra