Johnny Depp VS Amber Heard: कोर्टाच्या निर्णयावर अभिनेत्री अम्बर हर्ड नाराज?

हॉलीवूड सुपरस्टार जॉनी डेप(Johnny Depp) आणि त्याची पूर्वाश्रमीची पत्नी अम्बर हर्ड(Amber Heard) यांच्या मधील मानहानीची केस खूप चर्चेत राहिली. खूप दिवसांपासून सुरू असलेल्या या हाय प्रोफाइल केस दरम्यान एका मागून एक धक्कादायक खुलासे समोर आले. शेवटी खूप ताणलेल्या अन् अनेक दिवस चाललेल्या या केसमध्ये कोर्टातील ज्युरीनं जॉनी डेपच्या बाजूनं निर्णय जाहिर केला. अर्थात ही मानहानीची केस जॉनी डेपनं जिंकली. त्यानंतर जॉनी डेप आपला आनंद सेलिब्रेट करताना दिसतोय तर दुसरीकडे अम्बर हर्ड मात्र या कोर्टाच्या निर्णयानं खूश नाही.(Amber Heard says she doesn’t blame jury for ruling in favour of ex-spouse Johnny Depp)

अम्बर हर्डनं आता या निर्णयावर भाष्य केलं आहे,''मला माहित आहे की जॉनी डेपला खूप पसंत केलं जातं आणि लोकांना वाटतं ते त्याला नीट ओळखतात. तो एक अभिनेता आहे. केस संपल्यानंतर मला सोशल मीडियावर खूप ट्रोल केलं गेलं. जॉनी डेपवर कौटुंबिक अत्याचाराचा आरोप लावल्या संदर्भात मला लोकांनी ट्रोल केलं''.

अम्बर हर्डनं ट्रोलिंगवर प्रतिक्रिया देताना म्हटलं आहे की,''कोण माझ्याबद्दल काय विचार करतं यानं मला फरक पडत नाही. कोणी माझ्या घरात माझ्यासोबत काय घडलं, माझं लग्न, बंद दरवाज्यामागचं आमच्यातलं सत्य याबद्दल लोकं काय विचार करतात याला मी महत्त्व देत नाही. कारण मला खरं काय ते माहीत आहे. त्यामुळे ट्रोलिंग मी फार मनावर घेतले नाही. मानहानी केसमध्ये हरल्यानंतर अम्बर हर्डला आता जॉनी डेपला मोठी रक्कम दंड म्हणून द्यायची आहे. जॉनी डेपला देखील अंबर हर्डला नुकसान भरपाई द्यायची आहे पण त्यासमोर अंबर हर्डला लागू झालेली दंडाची रक्कम मोठी आहे.