शेहनशाहने केली कोरोनावर मात; अमिताभ बच्चन यांना रुग्णालयातून डिस्चार्ज

Amitabh_Bachchan1.jpg
Amitabh_Bachchan1.jpg

मुंबई ः महानायक अमिताभ बच्चन यांच्या चाहत्यांसाठी मोठी खुशखबर आहे. अमितभ बच्चन यांची कोरोना चाचणी निगेटिव्ह आल्यामुळे आज दुपारी त्यांना रुग्णालयातून घरी सोडण्यात आले. वीस दिवस ते रुग्णालयात उपचार घेत होते. आपल्या जुहू येथील जलसा बंगल्यावर ते पोहोचले आहेत. मात्र अभिषेक बच्चन अजूनही रुग्णालयात उपचार घेत आहे.

अमिताभ बच्चन आणि अभिषेक बच्चन यांची कोरोना चाचणी पाॅझिटिव्ह आल्यामुळे त्यांना ११ जुलै रोजी विलेपार्ले येथील नानावटी रुग्णालयात दाखल करण्यात आले. त्यानंतर चारेक दिवसांनी अभिनेत्री ऐश्वर्या राय-बच्चन आणि आराध्या बच्चन यांनाही कोरोना चाचणी पाॅझिटिव्ह आल्यामुळे नानावटी रुग्णालयात दाखल करण्यात आले.

२७ जुलै रोजी ऐश्वर्या आणि आराध्या यांना रुग्णालयातून डिस्चार्ज देण्यात आला. आज अमिताभ बच्चन यांची कोरोना चाचणी निगेटिव्ह आली आणि त्यांनाही डिस्चार्ज देण्यात आला आहे. अभिषेक बच्चनने ट्विट केले आहे, की  माझ्या वडिलांची कोरोना चाचणी निगेटिव्ह आली आहे. त्यांना रुग्णालयातून डिस्चार्ज देण्यात आला आहे. आता ते घरी विश्रांती करतील. तुम्ही त्यांच्यासाठी केलेल्या प्रार्थनेबद्दल मी सर्वांचे आभार मानतो.   

---------------------------------------

संपादन - तुषार सोनवणे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com