Photo Challenge:अनुपम खेर बाथटबमध्ये...? बिचारे नेटकरी लागलेयत कामाला

सोशल मीडिया(Social Media) हे आता एक असं माध्यम आहे जिथं सर्वसामान्यांपासून सेलिब्रिटी पर्यंत सारेच भलतेच सक्रिय झालेले पहायला मिळतात. मग कुठलीही ट्रेंडिंग गोष्ट आली की सगळेच इथं आपली मनातली हौस भागवून घेतात. मग ती हौस कधी फोटो तर कधी व्हिडीओ तर कधी डान्सिंग रीलच्या माध्यमातून पूर्ण केली जाते. सोशल मीडियावर सक्रिय रहायला इथे वयाचं बंधन नाही. जन्मलेल्या बाळापासून ते शंभरी गाठलेल्या आजी-आजोबांपर्यंत सारे इथे व्यक्त होताना दिसतात. अनुपम खेर (Anupam Kher) हे बॉलीवूडचे(Bollywood) मोठे स्टार,ज्येष्ठ अभिनेते. ते तर आजकाल भलतेच सोशल मीडियावर सक्रिय दिसतात. आता तर त्यांनी त्यांच्या चाहत्यांना थेट एक आव्हानच दिलेलं पहायला मिळत आहे.

अनुपम खेर यांनी त्यांच्या अधिकृत इन्स्टाग्राम अकाऊंटवर एक फोटो शेअर केलाय. ज्यात ते एका बाथटब मध्ये चक्क झोपल्याचं दिसत आहे. खूप क्युट फोटो आहे खरं तर तो. पण या फोटोला कॅप्शन देताना त्यांनी म्हटलं आहे,''मला हा फोटो खूप आवडला आहे.तुम्हाला आवडला का? याला समर्पक असं कॅप्शन द्या,मला आवडलेले पहिले पाच कॅप्शन्स लिहिणाऱ्यांना मी माझ्या घरी येण्याचं निमंत्रण भविष्यात देणार आहे....'' हा फोटो(Photo) पोस्ट (Post)झाल्यावर आणि अनुपम खेर यांनी दिलेलं आव्हान वाचल्यावर त्यांच्या चाहत्यांमधील क्रिएटिव्हिटी जागृत झाल्याचं दिसतंय. अनेकांनी वेगवेगळे कॅप्शन्स या फोटोला दिले आहेत. आता पहायचं कोणाचं कॅप्शन अनुपम खेर यांना आवडतं आणि कोणाला अनुपम खेर यांच्या घरचा पाहुणचार अनुभवण्यास मिळतोय.

सोशल मीडियावर अनुपम खेर यांच्या या फोटोनो धमाल आणलीय. त्यांच्या चाहत्यांपासून सारेच नेटकरी कामाला लागलेले पहायला मिळत आहेत. अनुपम खेर यांच्यासोबतच त्यांची ८०-८५ वयाची आईही खूप इंट्रेस्टिंग आहे. अभिनेता नेहमीच आईसोबतचे धमाल व्हिडीओ देखील सोशल मीडियावर शेअर करीत असतो. खऱंच ग्रेट अॅक्टर. सारांश सारखा सिनेमा करतानाचे अनुपम खेर आठवले की हा माणूस विनोदातही कशी बाजी मारून जातो याचं खरंच आश्चर्य वाटू लागतं.