Athiya Shetty : लग्न अगोदरच अथिया अन् केएल राहुल यांचा नव्या घरात गृहप्रवेश

Athiya Shetty And KL Rahul : अथिया शेट्टी आणि केएल राहुल हे सध्या चर्चेत आहेत. त्यांच्या लग्नाची अफवा पसरवली जात होती. मात्र दोघे लवकरच लग्न बंधनात अडकणार आहेत. काही दिवसांपूर्वी आलेल्या वृत्तांनुसार अथिया आणि केएल राहुल दोघे पुढील तीन महिन्यात लग्न करणार असल्याचा दावा केला गेला होता.

क्रिकेटपटू केएल राहुल (KL Rahul) आणि अथिया शेट्टी (Athiya Shetty) गेल्या तीन वर्षांपासून रिलेशनशीपमध्ये आहेत. दोघांचाही विवाह २०२३ मध्ये होण्याची शक्यता वर्तवली जात आहे. मात्र राहुल आणि अथिया यांच्या कुटुंबीयांच्या प्लॅननुसार त्यात बदलही होऊ शकतो.

अभिनेता सुनील शेट्टी यांची अथिया ही कन्या आहे. ती स्वतः अभिनेत्री असून तिने हिरो चित्रपटातून बाॅलीवूड (Bollywood News) चित्रपट विश्वात पदार्पण केले आहे. दुसरीकडे क्रिकेटपटू केएल राहुल आणि अथिया या दोघांच्या लग्नाची चर्चा सुरु असतानाच दोघेही त्यांच्या मुंबईच्या बांद्रा येथील पाॅश अशा नवीन घरात गृहप्रवेश केला आहे.

गृहप्रवेशाची छोटीशी पूजा गेल्या महिन्यात झाल्याची माहिती अभिनेत्रीचे वडील सुनील शेट्टी यांनी दिली आहे.