Bigg Boss OTT 2: पुजा भट्टने केलं पलकसोबत भांडण! मात्र नेटकऱ्यांचाच चढला पारा, म्हणाले..

Bigg Boss OTT 2: 17 जुनपासून सुरु झालेला बिग बॉस ओटीटी सिझन आता त्याच्या रंगात आला आहे. सुरवातीच्या दिवसापासूनच हा सिझन चर्चेत राहिला. पहिल्याच दिवशी शो मधुन पुनित सुपस्टारला बिग बॉसने घराबाहेर काढले.

आता त्यातच आणखी काही स्पर्धकांमध्ये वाद विवाद सुरु झाले आहेत. आता घरातील काही स्पर्धक अगदी शिताफीने हा गेम खेळत आहेत तर काहींना अजून हे शिकायचे आहे. दरम्यान शोमधले स्पर्धकांबद्दल प्रेक्षक सोशल मिडियावरही आपआपल्या प्रतिक्रिया देऊ लागले आहेत.

पूजा भट्टने व्हीव्हीआयपी म्हणून शोमध्ये प्रवेश केला आहे. ती घरातील पहिली स्पर्धक ठरली, त्यामुळे पूजाला अनेक सुविधा मिळाल्या आहेत. मेकर्सच्या या कृतीमुळे पूजा भट्टही ट्रोल झाली होती. आता पुन्हा पूजा भट्ट ही प्रेक्षकांच्या निशाण्यावर आली आहे.

गुरुवारी रात्रीच्या एपिसोडमध्ये पूजाने मनीषा राणी आणि जेडी हदीद यांच्यातील गैरसमज दुर केला. त्यातच पलक पुरस्वानी आणि जिया शंकर यांना सुनावतांना पुजाने तिची नवी मैत्रीण मनीषाचं भरभरुन कौतुक केले. ती म्हणाला की मनीषा या दोघांपेक्षा जास्त समजूतदार आहे कारण ती बिहारमधील एका छोट्या शहरातील होती .

जेल टास्क दरम्यान, मनीषा राणीने जैदसाठी पगलेट हा शब्द वापरला. ज्यामुळे घरात बराच गोंधळ झाला. यादरम्यान पूजाने मनीषाला पाठिंबा दिला आणि जैदला पगलेटचा अर्थ सांगितला. दरम्यान पलकने मनिषा खुप हूशार असून चतुराईने हा गेम खेळत असल्याचं सांगितलं. मात्र पूजा भट्टला काही हे पटलं नाही त्यामुळे दोघांमध्ये वाद झाला

पुजा भट्ट खुपच आक्रमक पावित्रा घेतला, जे पाहत पलक थक्क होते. पलक तिच्या बचावात बोलतांना दिसते मात्र पूजा तिला बोलूच देत नाही. विषेश म्हणजे याआधीही पुजा पलकला टार्गेट करतांना दिसली होती. आता तर पुजाने पलकला दिलेली ही वागणूक काही प्रेक्षकांना खुप खटकली आहे. तर पुजाने पलकला चांगलच उत्तर दिल्यांचही काही नेटकऱ्यांना वाटत आहे