'कंगना करणला नडली, तिच बॉलीवूडची बॉस': KRK ने पुन्हा डिवचलं

Bollywood News: बॉलीवूडमध्ये सतत आपल्या वादग्रस्त विधानांनी नेटकऱ्यांचे लक्ष वेधून घेणारा अभिनेता म्हणून केआरकेचे नाव घ्यावे लागेल. कुणाचीही भीती न बाळगता (Karan Johar) आपल्याला जे वाटेल ते बोलणारा कमाल राशिद खान (KRK) हा आता पुन्हा त्याच्या ट्विटमुळे चर्चेत आला आहे. त्यामध्ये त्यानं बॉलीवूडचा प्रसिद्ध निर्माता आणि दिग्दर्शक करण जोहरला लक्ष्य केले आहे. कंगनानं आतापर्यत करण जोहरला जे नाही त्या भाषेत टोकलं. (Kangana Ranaut) त्यावर करणनं आपली हार मानली आहे. यावरुन सिद्ध होतं की कंगनाच ही बॉलीवूडची बॉस असल्याचे दिसून आले आहे. केआरकेचं ट्विट हे सोशल मीडियावर मोठ्या (Social Media Viral) प्रमाणात व्हायरल झालं आहे. त्यावर त्याला नेटकऱ्यांनी वेगवेगळ्या प्रतिक्रिया दिल्या आहेत.

करण जोहरनं त्याचा कॉफी विथ करण (Coffee With Karan) नावाचा शो आता बंद करणार असल्याचे सांगितले होते. त्यावरुन त्याच्या असंख्य चाहत्यांना मोठा धक्का बसला होता. करणच्या या शो नं गेल्या अनेक वर्षांपासून प्रेक्षकांचे मनोरंजन केले होते. आता तो शो बंद होणार असल्याचे कळताच चाहत्यांना वाईट वाटले आहे. आपण गेल्या कित्येक वर्षांपासून या शो चे होस्टिंग करत होतो. मी आता त्यातून माघार घेत असल्याचे करणनं सांगितलं होतं. यासगळ्या प्रकरणावर केआरकेनं करण जोहरवर सडकून टीका केली आहे. कंगनाक़डून करणनं हार मानली आहे. अशा शब्दांत त्यानं आपला राग व्यक्त केला आहे.

सोशल मीडियावर व्हायरल झालेल्या त्या व्टिटमध्ये कमाल खान म्हणतो, खरं तर आता कंगनासोबत मोठी पार्टी करायला हवी. जिनं कायम करणला लक्ष्य केले. त्याला जे नाही ते बोलली. त्याच्यावर टीका केली. गेल्या पाच वर्षांपासून कंगनानं त्याचा सामना केला आहे. आणि ती त्याला पुरुन उरली आहे. त्यामुळे मला असं वाटतं की, कंगना हीच बॉलीवूडची बॉस आहे. तिनं करणचा पराभव केला आहे. करणनं देखील त्याच्या माघारीवरुन ते मान्य केले आहे. अशा शब्दांत कमाल खाननं आपली प्रतिक्रिया दिली आहे.