Brahmastra वरुन उज्जैनमध्ये वाद, देव दर्शनाविना परतले रणबीर अन् आलिया

Bajrang Dal Protest Alia Bhatt, Ranbir Kapoor : चित्रपट 'ब्रह्मास्त्र'च्या प्रमोशनसाठी रणबीर कपूर, आलिया भट आणि दिग्दर्शक अयान मुखर्जी मंगळवारी उज्जैनमध्ये होते. मात्र महाकालच्या दर्शनापूर्वीच त्यांना मोठ्या विरोधाला सामना करावा लागला. चित्रपटाची टीम महाकालच्या दर्शनासाठी मंदिरात पोहोचण्यापूर्वी मोठ्या संख्येने बजरंग दलाचे (Bajrang Dal) कार्यकर्ते मंदिराच्या प्रवेशद्वारावर जमले.

त्यांनी श्रीरामच्या घोषणा देत निदर्शने सुरु केली. रात्री उशीरा अयान मुखर्जीने महाकालचे दर्शन घेतले. बाबाचे दर्शन घेऊन अयान मुखर्जीने चित्रपट यशस्वी करण्याचे साकडे घातले. माझी इच्छा होती की चित्रपट प्रदर्शित होण्यापूर्वीच महाकालचे दर्शन करावे, जी आज पूर्ण झाली, असे त्याने सांगितले.

दुसरीकडे निदर्शनाची बातमी ऐकताच आलिया भटने (Alia Bhatt) मंदिराला जाण्यास नकार दिला. सोशल मीडियावर आलियाने एक व्हिडिओ शेअर करत सांगितले होते, की ती मंगळवारी टीमसोबत महाकालच्या दर्शनासाठी उज्जैनला जाणार आहे. दरम्यान जेव्हा बजरंग दलाच्या कार्यकर्त्यांना पोलिसांनी थांबवण्याचा प्रयत्न केला.

यात पोलिसांबरोबर त्यांची झटापाट झाली. दुसरीकडे विरोध वाढत असल्याचे पाहाताच जिल्हाधिकारी आशिष दास यांनी चित्रपटाच्या टीमला सुरक्षित आपल्या निवासस्थान घेऊन गेले.

यासाठी विरोध

सूत्रांनुसार बजरंग दल म्हणते, की चित्रपटात गौमातावरुन रणबीर कपूरने (Ranbir Kapoor) चुकीचे वक्तव्य केले आहे. त्यामुळे कार्यकर्त्यांनी विरोध केला. पोलिसांनी बजरंग दलाचा कार्यकर्ता दिलीपला मारहाण केल्याचा आरोप करण्यात आला.