Chris Rock ला स्टॅंडअप कॉमेडी करताना आठवलं 'थप्पड' प्रकरण; म्हणाला... Oscar 2022 | Sakal
sakal

बोलून बातमी शोधा

Chris Rock Jokes About Will Smith's Oscars Slap During Standup Set: 'Got Most of My Hearing Back'

Chris Rock ला स्टॅंडअप कॉमेडी करताना आठवलं 'थप्पड' प्रकरण; म्हणाला...

कॉमेडियन ख्रिस रॉकला(Chris Rock) यंदाचा ऑस्कर पुरस्कार (Oscar Award 2022) सोहळ्यात हॉलीवूड(Hollywood) स्टार विल स्मिथनं(Will SMith) कानाखाली वाजवली अन् ही बातमी वाऱ्यासारखी जगभरात पसरली. अर्थात या 'थप्पड' प्रकरणामुळे विल स्मिथला ऑस्कर अकॅडमीनं शिक्षा सुनावली असली तरी अद्यापही हे प्रकरण राहून राहून काही ना काही कारणामुळे पुन्हा चर्चेत येत आहे. आता पुन्हा एकदा ख्रिस रॉकने यावर प्रतिक्रिया देऊन या प्रकरणाला चर्चेत आणलं आहे. लंडनमध्ये एका कॉमेडी शो दरम्यान ख्रिस रॉकने पुन्हा या घटनेवर भाष्य करताना म्हटलं आहे,''तुमच्यापैकी अनेकांना आश्चर्य वाटेल,पण मी आता ठीक आहे''.

हेही वाचा: धर्मवीरचा 'आनंद' भिडला गगनाला, पहिल्याच दिवशी 2 कोटींची कमाई

ऑस्कर २०२२ च्या सोहळ्यात विल स्मिथनं ख्रिस रॉकच्या कानशिलात लगावल्याला भले आता खूप दिवस लोटले असतील तरीदेखील आज या घटने भोवती चर्चेचं वलय कायम आहे. या घटेनविषयी थोडक्यात सांगायचं झालं तर,यंदा ऑस्कर पुरस्कार सोहळ्याचं सूत्रसंचालन ख्रिस रॉक करीत होता. बोलता बोलता त्यानं विल स्मिथच्या पत्नीची तिच्या केसांवरुन खिल्ली उडवली. या कारणानं रागावलेल्या विल स्मिथने भर पुरस्कार सोहळ्यात मंचावर जाऊन सगळ्यांसमोर ख्रिस रॉकच्या कानाखाली मारली होती. याला आता दोन महिने उलटून गेले आहेत. त्यामुळे या धक्क्यातून आता ख्रिस रॉकही सावरलेला दिसतोय. तो स्वतः या घटनेवर विनोद करताना दिसत आहे.

हेही वाचा: अमिताभनी 'या' कारणानं डिलीट केली कंगनासाठी लिहिलेली पोस्ट; ब्लॉगमधून खुलासा

गुरुवारी लंडन येथील रॉयल अल्बर्ट हॉलमध्ये स्टॅंडअप कॉमेडी शो(Standup Commedy Show) दरम्यान त्यानं पुन्हा त्या 'थप्पड' घटनेचा उल्लेख केला. आपल्या नवीन 'इगो डेथ' या लाइव्ह कॉमेडी शो दरम्यान तो म्हणाला,''शब्द जितकी वेदना देत नाही जेवढं चेहऱ्यावर मार खाल्ल्यानं होते. पण आता मी ठीक आहे''.

हेही वाचा: वयाच्या ७४ व्या वर्षी मुमताजचा 'त्या' विवाहबाह्य संबंधाविषयी मोठा खुलासा

रॉकने ही गोष्ट हलका-फुलका विनोद करत आपल्या स्टाईलमध्ये म्हटल्याचं कळत आहे. तो म्हणाला,''तुम्ही वाट पाहू नका की मी आता त्या निरर्थक गोष्टीवर बोलेन. तुम्ही काढलेलं तिकिट महाग आहे पण माझ्यासोबत जे घडंल तितकं नक्कीच नाही. हो पण, नक्कीच योग्य वेळ आली की मी बोलेनच''..

हेही वाचा: The Archies Teaser: सुहाना खान,खुशी कपूर,अगस्त्य नंदा;'द आर्चिज' फर्स्ट लूक

आता जर विल स्मिथविषयी बोलायचं झालं तर या 'थप्पड' प्रकरणानंतर शिक्षा म्हणून त्याच्यावर अकादमीनं अनेक निर्बंध घातले आहेत. तो खूप चर्चेतही आला. विल स्मिथच्या अनेक चाहत्यांनी त्यांनं पोस्ट केलेल्या माफीनाम्यावर प्रतिक्रिया दिल्या होत्या. विल स्मिथनं काही दिवसांपूर्वीच ऑस्कर अकादमीतील आपल्या पदाचा राजीनामा दिला आहे. पुढील दहा वर्ष त्याला ऑस्कर संबंधित कार्यक्रमात सहभागी होता येणार नाही. नुकताच त्यानं केलेला भारत दौराही चर्चेत आला होता. तसंच,ज्या पत्नीसाठी स्वतःला संकटात ओढलं तिनं देखील म्हणे त्याच्यापासून विभक्त होण्याचं ठरवलं आहे.

Web Title: Chris Rock Jokes About Will Smiths Oscars Slap During Standup Set Got Most Of My Hearing

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top