Farhan Akhtar : फरहान अख्तरची सायकल रस्त्यात झाली पंक्चर; युजर्स म्हणाले, भाग मिल्खा भाग | Sakal
sakal

बोलून बातमी शोधा

Farhan Akhtar Latest News

फरहान अख्तरची सायकल रस्त्यात झाली पंक्चर; युजर्स म्हणाले, भाग मिल्खा भाग

Farhan Akhtar Latest News ज्याप्रमाणे सामान्य माणूस स्टारसारखे आयुष्य जगण्याचे स्वप्न पाहतो, त्याचप्रमाणे सेलिब्रिटींनाही काही वेळा सर्वसामान्यांसारखे मोकळेपणाने फिरावसं वाटते. त्यांना असे करणे नेहमीच शक्य नसते. कारण, ते जिथे जातात तिथे लोक त्यांना घेरतात. याशिवाय त्यांना सुरक्षेशी संबंधित समस्यांनाही सामोरे जावे लागते. मात्र, अनेकवेळा सेलिब्रिटी काही ना काही युक्ती वापरून सर्वसामान्यांप्रमाणे जगण्याची इच्छा पूर्ण करतात. असाच प्रयत्न फरहान अख्तरने (Farhan Akhtar) केला आणि फसला.

बॉलिवूड अभिनेता फरहान अख्तरने अलीकडेच ऑटो राईडचा आनंद लुटला आणि त्याने हे छायाचित्र सोशल मीडियावर चाहत्यांसह शेअर केले. फरहान अख्तरने इन्स्टाग्रामवर स्वत:चा फोटो शेअर केला आहे. ज्यामध्ये तो सायकलसह ऑटो रिक्षात बसलेला दिसत आहे. इथपर्यंत ठीक आहे. परंतु, फरहान अख्तरला सायकल घेऊन ऑटोरिक्षात बसावे लागल्यानंतर काय झाले?

‘टायर पंक्चर झाल्यामुळे रविवारची सायकल राइड अर्धवट सोडावी लागली. या ऑटोमध्‍ये मजा करण्‍यासाठी आणि शौर्य सोडण्‍यासाठी एवढेच पुरेसे आहे’ असे फरहान अख्तरने (Farhan Akhtar) कॅप्शनमध्ये लिहिले आहे.

हेही वाचा: ...अन् कंगना राणावत फसली; गोमांस खाल्याची जुनी मुलाखत व्हायरल

फरहान अख्तरच्या पोस्टवर असंख्य चाहते आणि सेलिब्रिटींनी प्रतिक्रिया दिल्या आहेत. ज्येष्ठ चित्रपट निर्मात्या झोया अख्तरने फरहान अख्तरच्या या पोस्टवर हसणारा इमोजी टाकून लिहिले, ‘मुंबई है’. फरहान अख्तरच्या या पोस्टवर ईशान खट्टरनेही हसणारा इमोजी टाकला आहे. एका युजरने लिहिले, ‘भाग मिल्खा भाग’.

Web Title: Farhan Akhtar Actor Bicycle Puncture Photo Viral Social Media

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..