Hemangi Kavi: "मी डायलॉगमध्ये बदल केल्याचं कळताच त्यांनी...", बिग बींसोबतचा अनुभव हेमांगीने सांगितला

हेमांगी कवी ही मराठी मनोरंजन विश्वातील चर्चेतील अभिनेत्री. हेमांगीने काही दिवसांपुर्वी अमिताभ बच्चन यांच्यासोबत शूटींग केलं. हेमांगीने अमिताभ यांच्यासोबतचा शूटींगचा अनुभव शेअर केला.

एका वृत्तसंस्थेला दिलेल्या मुलाखतीत हेमांगीने तिला आलेला अनुभव सविस्तरपणे मांडला आहे. काय म्हणाली हेमांगी वाचा.

(hemangi kavi share experience of working with amitabh bachchan)

हेमांगीने दिलेल्या मुलाखतीप्रमाणे, तिने याआधी एकूण दोन वेळा अमिताभ बच्चन यांच्यासोबत काम केलं आहे. पहिल्यांदा जेव्हा तिने काम केलं तेव्हा तिचं आणि बिग बींचं शूटींग वेगवेगळं होतं. त्यामुळे तिला अमिताभ यांना भेटण्याची संधी मिळाली नाही.

यावेळी सुद्धा जेव्हा हेमांगीने जाहीरातीसाठी ऑडिशन दिली तेव्हा तिला कल्पना नव्हती की आपल्याला द ग्रेट अमिताभ बच्चन यांच्यासोबत काम करायचंय. जेव्हा बच्चन साहेब स्वतः शुटींगच्या ठिकाणी आले तेव्हा तिला विश्वास बसत नव्हता.

हेमांगी आणि अमिताभ बच्चन यांनी शूटींगच्या आधी थोडी रिहर्सल केली. तेव्हा हेमांगीने स्क्रीप्टच्या नकळत एक डायलॉग घेतला. तेव्हा बच्चन साहेब तिला म्हणाले, "तुम्ही हा डायलॉग अशा पद्धतीने घेणार आहात का?"

हेमांगीला भिती वाटली. तिला वाटलं तिचं काही चुकलं का. मग जेव्हा प्रत्यक्षात शूटींग सुरु झालं तेव्हा तिने कोणताही बदल न करता स्क्रीप्टनुसार डायलॉग म्हटले. हे पाहून बच्चन साहेबांनी तिला आधीचा बदल चांगला होता असं सुचवलं.

हे ऐकताच हेमांगी खुश झाली. आणि दिग्दर्शकाने हेमांगी आणि बिग बींची ही जाहीरात शूट केली. हेमांगीचा हा अनुभव स्वप्नवत होता.