Himesh Reshmiya च्या 'Badass रविकुमार' ची KRK ने उडवली खिल्ली; म्हणाला,'हा सिनेमा पहायला...'

Himesh Reshmiya: हिमेश रेशमियाने संगीतकार आणि गायक म्हणून खूप लोकप्रियता मिळवली आहे. यानंतर त्याने अभिनयातही हात आजमावला. सध्या हिमेश सोनी टीव्हीवर प्रसारित होणाऱ्या इंडियन आयडॉल 13 या सिंगिंग रिअॅलिटी शोमध्ये जजच्या भूमिकेत दिसत आहे. त्याचवेळी, तो त्याच्या आगामी चित्रपट द एक्सपोज फ्रँचायझीच्या 'Badass रविकुमार' मधून कमबॅक करत असल्याची मोठी बातमी समोर आली आहे. या चित्रपटाचा टीझर नुकताच लाँच करण्यात आला आहे.(Himesh Reshmiya baddas ravikumar teaser movie)

"आपका सुरूर", " कर्ज "आणि " द एक्सपोज" या चित्रपटामध्ये हिमेश रेशमिया ने प्रमुख भूमिका केल्या होत्या. आणि आता हिमेश रेशमिया परत आपला अभिनय दाखवण्यासाठी सज्ज झाला आहे .

हिमेश रेशमियाचा नवीन चित्रपट 'Badass रविकुमार' चा टीझर खूपच दमदार दिसत आहे. अॅक्शन पॅक्ड टीझरमध्ये एंटरटेनमेंट डोसही आहे. हिमेशचा लूकही जबरदस्त दिसत आहे. टीझरमध्ये शोले चित्रपटाच्या गब्बर आ जायेगाच्या डायलॉगप्रमाणे हिमेशच्या आवाजात डायलॉग ऐकू येतो. टीझरमध्ये हिमेश तो मजेशीर संवाद बोलताना दिसत आहे. अर्थात तो टिझर बातमीत जोडलेला आहे.

या चित्रपटाचे पहिले गाणे बटरफ्लाय टिटिलियां आणि ट्रेलर लवकरच प्रदर्शित होईल.चित्रपटाची निर्मिती हिमेश रेशमिया मेलोडीजने केली असून संगीत आणि कथाही हिमेश रेशमियाची आहे . हा चित्रपट पुढील वर्षी म्हणजेच २०२३ मध्ये प्रदर्शित होणार आहे.

आता हिमेशच्या सिनेमाचा टीझर समोर आल्यावर केआरके नं नेहमीप्रमाणे या सिनेमाची देखील खिल्ली उडवली आहे. त्यानं लिहिलं आहे,''या सिनेमाची निर्मिती करण्यासोबत याला बघायला देखील हिमेशच जाईल. केआरकेनं आपल्या ट्वीटमध्ये लिहिलं आहे, Baddas रविकुमार सिनेमाची घोषणा हिमेशनं केली आहे. या सिनेमाला हिमेशनं लिहिलं आहे. संगीत त्याचे आहे,दिग्दर्शन,निर्मिती त्याची आहे. त्यामुळे सिनेमाचा प्रेक्षकही तोच असणार आहे''.