क्या बात है! हृतीक रोशन आणि आलिया भट यांना आॅस्करचे निमंत्रण..

मुंबई ः जगातील सर्वात मोठा आणि मानाचा समजल्या जाणाऱ्या आॅस्कर सोहळ्यांचे निमंत्रण हिंदीतील सुपरस्टार हृतीक रोशन आणि अभिनेत्री आलिया भट यांना पाठविण्यात आले आहे. त्यामुळे हिंदी चित्रपटसृष्टीतील अनेक कलाकार आणि निर्माते व दिग्दर्शक यांनी दोघांचेही अभिनंदन केले आहे. 

पुढील वर्षी २५ एप्रिल रोजी हा सोहळा पार पडणार आहे. त्याला देश-विदेशातील अनेक कलाकार तसेच निर्माते व दिग्दर्शक उपस्थित राहणार आहेत.

हेही वाचा: 'लालबागच्या राजा'चा गणेशोत्सव रद्द, मंडळ जपणार सामाजिक भान 

आॅस्कर अकादमीने 819 जणांची यादी घोषित केली आहे. यामध्ये ऋतिक आणि आलिया या दोघांच्या नावाचा समावेश आहे.

एकूण निमंत्रितांच्या 819 जणांमध्ये यादीत डॉक्यूमेंटरी चित्रपट निर्माती निष्ठा जैन आणि अमित मधेशिया, डिझायनर नीता लुल्ला, कास्टिंग डायरेक्टर नंदिनी श्रीकांत, व्हिज्युअल इफेक्ट सुपरवायझर विशाल आनंद आणि संदीप कमल यांचाही समावेश आहे. 

हेही वाचा: राज्य सरकारचा मोठा निर्णय; रुग्णवाहिकांच्या अवाजवी दरांतून सामान्यांची होणार सुटका..

आलिया भट्टचा गली बॉय हा चित्रपटही विदेशी भाषा श्रेणीसाठी भारतामार्फत पाठवण्यात आला होता. मात्र या चित्रपटाला नामांकन मिळालं नाही. आता अकादमीने जारी केलेल्या अधिकृत स्टेटमेंटमध्ये आलियाच्या राजी आणि गली बॉय या चित्रपटाचा उल्लेख करण्यात आला आहे. तर ऋतिक रोशनच्या सुपर 30 आणि जोधा अकबर याचा उल्लेख केला आहे.   

Hritik Roshan and Alia bhatt invited for oscar