इंदोर पोलिसांची विकी कौशलला क्लीन चिट, नंबर प्लेट चोरी प्रकरण | Sakal
sakal

बोलून बातमी शोधा

इंदोर पोलिसांची विकी कौशलला क्लीन चिट, नंबर प्लेट चोरी प्रकरण
इंदोर पोलिसांची विकी कौशलला क्लीन चिट, नंबर प्लेट चोरी प्रकरण

इंदोर पोलिसांची विकी कौशलला क्लीन चिट, नंबर प्लेट चोरी प्रकरण

Vicky Kaushal: बॉलीवूडचा प्रख्यात अभिनेता विकी कौशल (bollywood actor vicky kaushal) गेल्या काही दिवसांपासून चर्चेत आला आहे. त्याचं आणि कतरिना कैफचं लग्न बॉलीवूड चाहत्यांसाठी मोठी पर्वणी होती. चाहत्यांकडून त्यांना मोठ्या प्रमाणात शुभेच्छा मिळाल्याचे दिसून आले आहे. त्यानंतर त्याच्यावर इंदोरमधील एका व्यक्तीनं नंबर प्लेट चोरीचा आरोप केला होता. त्यामुळे विकी कौशल हा चर्चेत आला होता. दोन जानेवारीला इंदोर पोलिसांनी (Indore police) त्या तक्रारदाराची तक्रार दाखल करुन घेतली होती. त्यानुसार त्यांनी तपासाला सुरुवातही केली. तपासातून हाती आलेल्या माहितीनुसार विकी कौशलला इंदोर पोलिसांनी क्लिन चीट दिली आहे.

एएनआयनं (ani) दिलेल्या माहितीनुसार इंदोर पोलिसांनी विकीला क्लीन चीट दिली आहे. विकी कौशलच्या एका चित्रपटामध्ये त्यानं वापलेल्या दुचाकीचा नंबर दुसऱ्या व्यक्तीच्या दुचाकीचा होता. असं तक्रारीत म्हटले होते. त्या तक्रारीनुसार त्याच्यावर गुन्हा दाखल करण्यात आला होता. आणि त्या प्रकरणाचा तपासही सुरु करण्यात आला. पोलीस अधिकाऱ्यांचे असे म्हणणे होते की, वाहनांच्या नंबरप्लेटमुळे गैरसमज निर्माण झाला होता. त्याचं झालं असं की. विकी कौशलच्या एका चित्रपटातील दृश्यामध्ये तो अभिनेत्री सारा अली खान (Sara Ali Khan) सोबत बाईक चालवत होता. त्यांचे हे गाडी चालवण्याचे फोटो सगळीकडे व्हायरल झाले होते.

हेही वाचा: 2022 मध्ये दिसणार कतरिना कैफचे वेगवेगळे अवतार

याबाबत ANI शी बोलताना तक्रारदार जयसिंग यादव (Jaysingh Yadav) यांनी सांगितलं होतं, "चित्रपटाच्या सीन्समध्ये वापरण्यात आलेला वाहन क्रमांक माझ्या वाहनाचा आहे. चित्रपट युनिटला याची माहिती आहे की नाही हे मला माहीत नाही पण हे बेकायदेशीर आहे. ते परवानगीशिवाय ती नंबर प्लेट वापरू शकत नाहीत. मी स्टेशनवर निवेदन दिले आहे. या प्रकरणी कारवाई झाली पाहिजे." त्यानंतर पोलिसांनी या तक्रारीची दखल घेतली होती.

हेही वाचा: बॉलीवूड नावं मोठं, लक्षण खोटं: अभिनेत्री मृणालचा धक्कादायक खुलासा

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top