Sidhu Moose Wala Murder : कंगना भडकली, पंजाब सरकारवर साधला निशाणा

पंजाबी गायक सिद्धू मूसेवाला याची रविवारी दिवसाढवळ्या निर्घूण हत्या करण्यात आली. काही अज्ञानीतांनी एकामागून एक करत त्याच्या गाडीवर ३० गोळ्या झाडल्या. मूसेवालाच्या मृत्यूनंतर पंजाबचं नव्हे तर संपूर्ण हळहळ व्यक्त केली जात आहे. बॉलीवूडची क्विन म्हणून ओळखल्या जाणाऱ्या अभिनेत्री कंगना राणावतनेदेखील मूसेवालाच्या मृत्यूवर दुःख व्यक्त करत पंजाब सरकारवर चांगलीच भडकली आहे.

पंजाबी गायक आणि रॅपर सिद्धू मूसेवाला च्या हत्येनंतर सर्वत्र खळबळ उडाली आहे. पंजाबमधील गँगस्टर लॉरेन्स बिश्नोई चा कॅनडास्थित साथीदार गोल्डी ब्रार याने सिद्धू मूसेवालाच्या हत्येची जबाबदारी स्वीकारली आहे. त्याच्या या हत्येबाबत कंगनाने नुकतंच इस्टा पोस्ट केली आहे. जी सध्या चर्चेत आली आहे.

'पंजाबचा प्रसिद्ध चेहरा सिद्धू मुसेवाला याची गोळ्या झाडून हत्या करण्यात आली आहे. हे अतिशय दुःखद आहे. ही घटना पंजाबच्या कायदा आणि सुव्यवस्थेचे स्पष्ट वर्णन करते.' अशा आशयाची पोस्ट कंगणाने इंस्टावर शेअर केली आहे.

कंगणाच्या या पोस्टमुळे पंजाबमधील कायदा आणि सुव्यवस्थेवर प्रश्नचिन्ह उपस्थित राहिलं आहे. कंगणाची ही पोस्ट चांगलीच चर्चेत आली आहे.

पंजाबी गायक सिद्धू मूसेवाला हत्या

रविवारी (२९ मे २०२२) सिद्धू मूसेवाला (Sidhu Moose Wala killed by gangsters) वर गोळीबार केला. यात मूसेवाला आणि त्यांचे दोन साथीदार गंभीर जखमी झाले. तिघांनाही तात्काळ इस्पितळात दाखल करण्यात आले, तेथे डॉक्टरांनी सिद्धू मूसेवाला यांना मृत घोषित केले. सिद्धू मूसेवाला आणि त्याच्या साथीदारांवर ३० राऊंड गोळीबार करण्यात आला.