KBC 14 : क्रिकेटशी संबंधित ‘या’ प्रश्नावर अडकल्या कविता; तुम्हाला माहितीये उत्तर?

Kaun Banega Crorepati News कौन बनेगा करोडपतीचा १४ वा सीझन (Kaun Banega Crorepati) प्रेक्षकांना भुरळ घालत आहे. एकीकडे अमिताभ बच्चन शो मध्ये त्यांच्या आयुष्याशी निगडित किस्से सांगताहेत, तर दुसरीकडे प्रेक्षक स्पर्धक व प्रश्नांबद्दल उत्सुक असतात. दरम्यान, केबीसीमध्ये (KBC १४) पोहोचलेल्या कविता चावला यांनी एक कोटी जिंकून युजर्सना प्रभावित केले आहे. बारावी पास असलेल्या कविता यांना ७.५ कोटींसाठी विचारलेल्या प्रश्नाचे उत्तर माहीत नव्हते. तुम्हाला माहिती आहे का या प्रश्नाचे उत्तर?

कविता चावलाने केबीसी १४ मध्ये एक कोटी जिंकले. शोच्या शेवटच्या प्रश्नाचे उत्तर त्यांच्याकडे नव्हते. अमिताभ बच्चन (Amitabh Bachchan) यांनी हा प्रश्न तब्बल ७.५ कोटींसाठी विचारला गेला होता. उत्तराची पूर्ण खात्री नसल्याने त्यांनी शो सोडण्याचा (क्विट) निर्णय घेतला. क्रिकेटमध्ये कोणताही रस नसल्याचे कविता यांनी शो सोडण्यापूर्वी सांगितले.

प्रथम श्रेणी पदार्पणात द्विशतक झळकावणारा पहिला भारतीय असलेल्या गुंडप्पा विश्वनाथ यांनी कोणत्या संघाविरुद्ध ही कामगिरी केली?

अ- सर्विसेस

ब - आंध्र

क - महाराष्ट्र

डी - सौराष्ट्र

(बरोबर उत्तर- आंध्र)

कोण आहे कविता चावला

केबीसी १४ मध्ये एक कोटी जिंकणारी कविता चावला या गृहिणी आहे. कविता यांनी सांगितले होते की, त्या २००० पासून केबीसीमध्ये येण्याचा प्रयत्न करीत आहे. मात्र, गेल्यावर्षी कविता हॉटसीटवर बसण्यापासून एक पाऊल मागे राहिल्या. त्यांनी ‘फास्टेस्ट फिंगर फर्स्ट’पर्यंतचा प्रवास केला होता. परंतु, यावेळी त्या केवळ हॉटसीटपर्यंतच पोहोचल्या नाही तर एक कोटीही जिंकले.

कविता फक्त बारावी पास

महाराष्ट्रातील कोल्हापूर येथील रहिवासी असलेली कविता या केवळ बारावी पास आहे. कविता यांनी शोमध्ये सांगितले होते की, जिंकलेल्या १ कोटी रुपयांमध्ये मुलाला शिक्षणासाठी परदेशात पाठवणार आहे. जर ७.५ कोटी रुपये जिंकले तर बंगला बांधेल व जगभर फिरेल.