सबस्क्राईब करा
Miss World 2024: मिस वर्ल्ड 2024 (Miss World 2024) या स्पर्धेची विजेती चेक रिपब्लिकची क्रिस्टिना पिस्कोव्हा (Krystyna Pyszkova) ही ठरली आहे. लेबनॉनची यास्मिना ही या स्पर्धेची रनर अप ठरली. यंदा मिस वर्ल्ड 2024 या स्पर्धेत भारताचे प्रतिनिधित्व सिनी शेट्टीने (Sini Shetty) केले. सिनीने टॉप 8 स्पर्धकांमध्ये स्थान मिळवले. पण तिला टॉप- 4 स्पर्धकांमध्ये स्थान मिळवू शकली नाही. सिनीचा एक व्हिडीओ सोशल मीडियावर व्हायरल झाला आहे. या व्हिडीओमध्ये सिनी भावूक झालेली दिसत आहे.
सिनी शेट्टी ही टॉप-4 स्पर्धकांमध्ये स्थान मिळवू शकली नाही. पराभवानंतर सिनी खूपच भावूक झालेली दिसत आहे. नुकताच सिनीचा एक व्हिडीओ सोशल मीडियावर व्हायरल झाला आहे. या व्हिडीओमध्ये सिनी आपल्या कुटुंबातील सदस्याला मिठी मारून रडताना दिसत आहे. यावेळी सिनीचे कुटुंब तिला सांभळताना दिसत आहे.
सिनीने मिस वर्ल्डचा खिताब जिंकला नसला तरी तिने भारतातील लोकांच्या मनात विशेष स्थान निर्माण केलं आहे. सिनी शेट्टीने मिस इंडिया 2022 मध्ये सहभाग घेतला होता. या स्पर्धेत तिने मिस इंडियाचा ताज जिंकला होता. मिस वर्ल्डच्या ग्रँड फिनालेमध्ये सिनी शेट्टीही टॉप 8 मध्ये स्थान निर्माण केलं. पण टॉप-4 स्पर्धकांमध्ये ती स्थान मिळवू शकली नाही.
सिनी शेट्टी ही कर्नाटकची आहे. वयाच्या 21 व्या वर्षी सिनीने मिस इंडिया ही स्पर्धा जिंकली. सिनीनं चार्टर्ड अकाउंटंटचे शिक्षण घेत आहे. सिनी ही एक उत्कृष्ट भरतनाट्यम नृत्यांगना देखील आहे.
मिस त्रिनिदाद आणि टोबॅगो, मिस बोत्सवाना, मिस चेक रिपब्लिक आणि मिस लेबनॉन यांनी मिस वर्ल्ड टॉप 4 स्पर्धकांच्या यादीत आपले स्थान निर्माण केले. त्यातील चेक रिपब्लिकची क्रिस्टिना पिस्कोव्हा ही विजेती ठरली आहे.
करण जोहर आणि मेगन यंग फिलिपिन्स यांनी मिस वर्ल्ड स्पर्धा होस्ट केली. या स्पर्धेचा अंतिम सोहळा मुंबईतील जिओ वर्ल्ड कन्व्हेन्शन सेंटरमध्ये पार पडला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.