सून शूटिंगमध्ये व्यस्त; 'मिथून दा'ने सेटवर केली सरप्राइज एन्ट्री

बॉलिवूडमधील प्रसिद्ध अभिनेते मिथून चक्रवर्ती यांनी नुकतीच ‘अनुपमा’(anupamaa) या मासिकेच्या सेटवर हजेरी लावली. त्यांना या मालिकेच्या सेटवर पाहून सर्वाजण आश्चर्यचकित झाले. शूटिंग सेटवर येऊन मिथून दा यांनी सर्वांनाच सरप्राइज दिले. या मालिकेमधील अभिनेत्री मदालसा शर्मा (Madalsa Sharma) ही मिथून यांची सून आहे. 'अनुपमा' या मालिकेला प्रेक्षकांची पसंती मिळाली आहे. मालिकेमधील रूपाली गांगुली(rupali ganguly), सुधांशु पांडे आणि मदालसा शर्मा यांच्या अभिनयाला प्रेक्षकांच्या पसंतीस पडला आहे.(mithun chakraborty visits anupamaa set meet daughter in law Madalsa Sharma and actress rupali ganguly)

मिथून चक्रवर्तीचे ‘अनुपमा' मालिकेच्या टिमसोबतचे फोटो या मालिकेतील मुख्य भूमिका साकारणाऱ्या अभिनेत्री रूपाली गांगुली यांनी सोशल मीडियावर शेअर केले आहेत. रूपाली गांगुलीने या फोटोंना कॅप्शन दिले, 'आनंदी आठवणी आठवत आहेत, 4 वर्षांची असताना मी पहिल्यावेळी कॅमेरासमोर अभिनय केला होता. माझी मुख्य भूमिका असणारा पहिला चित्रपट मी मिथून यांच्यासोबत केला. हे असे व्यक्ती आहेत, ज्यांनी मला नेहमी स्वत:ला एक कलाकार म्हणून गांभीर्याने न घेण्याचा सल्ला दिला. जेव्हा त्यांनी सांगितले की मला तुझा अभिमान आहे, तेव्हा माझ्या डोळ्यात आनंदाने आश्रु आले.असे वाटले की माझ्या मेहनतीचे फळ मला मिळाले.'

मिथून चक्रवर्ती आणि अभिनेत्री रूपाली गांगुली यांनी एकत्र ‘अंगारा’ चित्रपटांमध्ये काम केलंय. हा चित्रपट 1996 साली रिलीज करण्यात आला होता. या चित्रपटाचं दिग्दर्शन अभिनेत्री रूपाली गांगुलीचे वडील अनिल गांगुली यांनी केले होते. अनुपमा मालिकेच्या प्रोडक्शन हाऊसने सोशल मीडियावर मिथून चक्रवर्ती यांच्या सरप्राइज व्हिजीटचे काही फोटो शेअर केले आहेत. 'मिथून, या सरप्राइज व्हिजीटसाठी खूप खूप धन्यवाद!', असं त्यांनी या फोटोला कॅप्शन दिले.