मनसे चित्रपट सेनेचे अध्यक्ष अमेय खोपकर कुटुंबीयांसह क्वारंटाईन

मुंबई : महाराष्ट्र नवनिर्माण चित्रपट कर्मचारी सेनेचे अध्यक्ष अमेय खोपकर आपल्या कुटुंबियांसह क्वारंटाईनमध्ये आहे. त्यांच्या काकांना अर्थात रवींद्र खोपकरांना कोरोनाची लागण झाली आहे. त्यांना उपचारासाठी सोमय्या रुग्णालयात दाखल करण्यात आले आहे. त्यामुळे अमेय आणि त्यांचे संपूर्ण कुटुंबीय क्वारंटाईन झाले आहे. त्यांची कोरोना चाचणी झाली आहे. मात्र, त्याचे रिपोर्ट अद्याप प्रतिक्षेत आहे.

कोव्हिडमुळे वाहन उद्योगाला मोठा फटका! व्यवसायात जुलैमध्ये गेल्यावर्षीच्या तुलनेत मोठी घट

रवींद्र खोपकर यांना थकवा जाणवत होता आणि त्यानंतर त्यांना ताप आला. त्यामुळे त्यांची कोरोना चाचणी करण्यात आली. त्याचा रिपोर्ट पॉझिटिव्ह आला होता. त्यामुळे लगेच त्यांना कु्र्ला येथील सोमय्या रुग्णालयात तीन दिवसांपू्र्वी दाखल करण्यात आले. त्यानंतर अमेय खोपकर आणि त्याच्या संपूर्ण कुटुंबाला क्वारंटाईन करण्यात आले. कारण संपूर्ण खोपकर कुटुंबीय एकत्रित राहते. 

हिंदमातासाठी आता नवा प्रयोग; पाणी वाहून जाण्यासाठी बोगद्याचा विचार, वाचा सविस्तर

आता खोपकर कुटुंबीयांची कोरोना चाचणी करण्यात आली आहे. त्याचा अहवाल लवकरच येईल. याबाबत अमेय खोपकर म्हणाले, की माझ्या काकांवर उपचार सुरू आहेत. त्यांना ऑक्सिजन लावण्यात आले आहे. आम्ही सर्वजण घरीच क्वारंटाईनमध्ये आहोत.
----
संपादन : ऋषिराज तायडे