Money Heist: ‘बर्लिन’ पुन्हा येतोय... केली नव्या सीरिजची घोषणा !

नेटफ्लिक्सवरील सर्वात लोकप्रिय मालिका ‘मनी हाईस्ट’ या वेबसीरिजने अशरश: प्रेक्षकांना वेड केलय. भन्नाट अशा कथेने आणि वळणावळणावर असलेल्या ट्विस्टने या वेबसीरिजने तिच्या प्रेक्षकांना बांधून ठेवल. या वेबसीरिजचे ५ भाग प्रदर्शित झाले आहेत. ५ व्या भागानतंर ही वेबसीरिज संपली म्हणून चाहते नाराजही झाले होते. मात्र आता या वेबसीरिजच्या चाहत्यांसाठी आनंद वार्ता आहे. ह्या  वेबसीरिजमधील ‘बर्लिन’ पुन्हा तूमच्या भेटीला येणार आहे   

जागतिक फॅन इव्हेंटमध्ये, नेटफ्लिक्सने ‘बर्लिन’ 2023 मध्ये प्रेक्षकांच्या भेटीला येणार असल्याची घोषणा केली होती. आता नेटफ्लिक्सने आपल्या सोशल मीडिया अकाऊंटवर एक व्हिडिओ पोस्ट केलाय आणि या माध्यमातून ‘बर्लिन’वर एक स्वतंत्र स्पिन ऑफ सीरिज घेऊन येत असल्याचं जाहीर केलं आहे. अजूनतरी या सीरिजची तारीख किंवा इतर माहिती गुलदस्त्यात असली तरी आता बर्लिन  कोणता थरार घेउन येतो याची उत्सुकता सर्वांनाच लागली आहे, हे नक्कीच.

नेमकं कसं होतं बर्लिनचं पात्र जाणून घ्या थोडक्यात...

पेड्रो अलोन्सो ‘मनी हाईस्ट’ या वेबसीरिजमध्ये बर्लिनची भूमिका निभावली आहे. प्रोफेसरनंतर बर्लिन हा संघातील दुसरा सर्वात महत्वाचा सदस्य होता. बर्लिन हा शूर, धाडसी आणि खूप मजेदार दाखविला आहे. त्याच बरोबर तो  काहीसा रहस्यमय देखील आहे. त्याला स्त्रियांमध्ये अधिक रस आहे. Heist चे संपूर्ण प्लॅन बनवण्यात त्याचा सिंहाचा वाटा होता.बर्लिन  सुरुवातीला टीम मेंबरशी सतत भांडतो, मात्र अखेरीस त्याच्या नेतृत्वाने सगळे प्रभावित होतात. बर्लिनला असाध्य आजाराचे निदान झालेले असते आणि ‘मनी हाईस्ट’च्या चौथ्या भागात टीमला वाचवतांना त्याचा मृत्यू होतो.