लवकरच प्रभास आणि दीपिकाची जोडी झळकणार मोठ्या पडद्यावर

मुंबईः अभिनेता प्रभास आणि बॉलिवूडची अभिनेत्री दीपिका पदुकोण लवकरच एकत्र एका सिनेमात काम करताना दिसणार आहेत.  बाहुबलीच्या रिलीजपासून अभिनेता प्रभासला केवळ भारतच नाही तर आंतरराष्ट्रीय स्तरावरही प्रसिद्धी मिळाली आहे. तर दीपिका पदुकोण ही भारतीय सिनेमाची सर्वाधिक यशस्वी अभिनेत्री म्हणून ओळखली जाते. वैजयंती मूव्हीजच्या आगामी सिनेमात दीपिका पदुकोण आणि प्रभास ही जोडी पहिल्यांदाच मोठ्या पडद्यावरून प्रेक्षकांसमोर येणार आहे.  या सिनेमाचं दिग्दर्शन दिग्दर्शक अश्विन नाग करणार आहेत. 

कसा असेल हा सिनेमा 

हा सिनेमा म्हणजे एक साय-फाय ड्रामा आहे. हा प्रभासचा 21 वा सिनेमा आहे, तर दीपिका या सिनेमाच्या माध्यमातून तेलगु सिनेमात पदार्पण करतेय. सोशल मीडियावरून वैजयंती मूव्हीजनं या सिनेमाची आज घोषणा केली आणि एक व्हिडिओ देखील शेअर केला आहे. 

अधिक वाचाः  शेवटी मुंबई महापालिकेनं करून दाखवलं, पालिकेच्या कामाची जागतिक स्तरावर दखल

दिग्दर्शक अश्विन नाग या सिनेमावर बोलताना म्हणाले की, दीपिका या सिनेमा भूमिका साकारत आहे, याचा मला खूप आनंद होतो. दीपिका आणि प्रभास यांची जोडी या सिनेमाचं मुख्य आकर्षण असेल आणि मला विश्वास आहे की हा सिनेमा प्रेक्षकांना नक्कीच आवडेल.

भारतीय सिनेमाच्या इतिहासात हा सिनेमा एक विक्रम करेल. हा सिनेमा म्हणजे आमच्यासाठी एक सुवर्णसंधी आहे. प्रेक्षकांनी यापूर्वी कधीही न पाहिलेली कथा आणि दृश्ये आम्ही या सिनेमाच्या माध्यमातून त्यांच्यासमोर आणणार आहोत, असं वैजयंती मुव्हीजचे निर्माते सी. अश्विनी दत्त म्हणालेत.

हेही वाचाः मुंबईत FDAची मोठी कारवाई, कोरोनावरच्या औषधांचा काळाबाजार उघड

 वैजयंती मुव्हीज हे तेलगू सिनेसृष्टीतील प्रसिद्ध नाव आहे. यांनी नेहमीच अफाट कॅनव्हासवर सिनेमे लावले आहेत. या प्रॉडक्शन हाऊसने आतापर्यंत मोठ्या देखाव्यासाठी खूप कौतुक आणि प्रतिष्ठा मिळविली आहे.

संपादनः पूजा विचारे

prabhas deepika padukone come together star in nag ashwin's movie